कनकाई अनलाईन
झापाको कनकाई नगरपालिका २ सुरुङ्गामा कोशी प्रदेशका पूर्व मुख्यमन्त्री तथा नेपाली कांग्रेस कोशी प्रदेश संसदीय दलका नेता उद्धव थापामाथि कुटपिट भएको छ ।
नेपाल प्रेस युनियन झापाले दोमुखामा आयोजना गरेको पिकनिक कार्यक्रममा सहभागि भएर घरतर्फ फर्किदै गर्दा शनिवार साँझ करिव ६ बजे पुर्वपश्चिम राजमार्गको कनकाई नगरपालिका २ जुकेकल्भर्ट भन्ने स्थानमा उहाँमाथि कुटपिट भएको जिल्ला प्रहरी कार्यालय झापाले जनाएको छ ।
बा १ झ ६५३ नं को गाडीमा आउँदै गरेका थापामाथि बा १ ञ १८७० मा सवार समूहले कुटपिट गरेको हो । कुटपिटबाट पुर्वमुख्यमन्त्री थापा घाइते हुनुभएको छ । उहाँलाई बिर्तामोडस्थित विर्तासिटी अस्पतालमा उपचारपछि आफ्नो निवासमा फर्कनुभएको छ । थापाको कुटपिटबाट आँखा सुन्निएको र अनुवारमा चोट लागेको छ ।
विद्युत प्राधिकरण सुरुङ्गाका कर्मचारी सवार गाडीलाई थापा चढेको गाडीले ओभरटेक गर्ने क्रममा विवाद भएको प्रत्यक्षदर्शीको भनाई रहेको छ । कुटपिट गर्ने दुईजनालाई इलाका प्रहरी कार्यालय सुरुङ्गाले पक्राउ गरि हाल इलाका प्रहरी कार्यालय बिर्तामोडमा रखेको छ । पक्राउ पर्नेहरुमा शिवसताक्षी ११ का ४९ वर्षीय भक्तबहादुर कटवाल र कन्काई ३ का ४२ वर्षीय पृथ्वी श्रेष्ठ रहनुभएको छ । उहाँहरु दुबैजना विद्युत प्राधिकरण सुरुङ्गाका कर्मचारी रहेको बुझिएको छ । यसवारेमा प्रहरीले थापामाथि कुटपिट गर्ने २ जनालाई हाल इलाका प्रहरी कार्यालय बिर्तामोडमा राखिएको र भोली मुख्यमन्त्री थापाले उजुरी दिएपछि थप कार्वाही गरिने जनाएको छ । पुर्वमुख्यमन्त्री थापा भीभीआइपी पर्सन भएकोले यसवारेमा आवश्यक कार्वाही अगाडि बढाइने झापा प्रहरीले जनाएको छ ।
