कनकाई अनलाईन
झापाको शिवसताक्षी नगरपालिका १ स्थित धरमपुरमा सवारी दुर्घटना हुँदा दर्जन यात्रु घाईते बनेका छन ।
आज विहान ६ः३० बजे काँकडभिट्टा पुर्वबाट धरान पश्चिमतर्फ जाँदै गरेको मे १ ख २५४५ नम्बरको यात्रुबाहक बस धरमपुरमा दुर्घटना हुँदा करिव एक दर्जन यात्रु घाइते भएका छन् ।
नागरिक यातायातको यात्रुवाहकबस अनियन्त्रित भई दुर्घटना हुदा बस सडकबाट तल खसेर पल्टिएको थियो । दुर्घटनामा परि बसमा सवार उक्त बसमा सवार ११ बिराटनगर – ३ निवासी ५४ बर्षिय गुणा कोइराला, बर्ष ३४ की दिपा निरौला, बर्ष १७ की म्यारी निरौला, बर्ष ३८ की निर्मला निरौला,बर्ष ५९ की शर्मिला कोइराला घाईते बन्नुभएको छ । यसैगरि बसमा सवार झापा शिवसताक्षी –८ का बर्ष ३२ का टंक शिवाकोटी, बर्ष ३० की आन्सा फियादेन,बर्ष २१ की सुमना लिम्बु, बिर्तामोड नगरपालिका –६ बस्ने बर्ष ५१ का पुष्पलाल अधिकारी, बर्ष ४९ की चन्द्रकला अधिकारी र कमल गाउँपालिका ६ की ४० बर्षिय शान्तिराम खतिवडा घाईते बनेका छन । घाईते सबैको अवस्था सामान्य रेहेको र सबैको विर्तामोडस्थित विएण्डसी अस्पताल बिर्तामोडमा उपचार भइरहेको जिल्ला ट्राफिक प्रहरी कार्यालय झापाले जनाएको छ ।
बस चालक मेचीनगर –१० धुलाबारी बस्ने बर्ष ५४ का टिका मेचेलाई इलाका प्रहरी कार्यालय झिलझिलेले नियन्त्रणमा लिएको जिल्ला ट्राफिक प्रहरी कार्यालय झापाका सूचना अधिकारी प्रहरी वरिष्ठ नायव निरीक्षक अर्जुन सोडारीले जानकारी दिनुभयो ।
