कनकाई अनलाईन
कनकाई माईवेनी मेला तथा मकर संग्रान्तिको अवशर पारेर कनकाईधाम धार्मिक विकास समितिद्धारा आज कोटीहोम परिसरमा साँझ कनकाई आरती गरिने भएको छ ।
आयोजक समितिका अध्यक्ष शेरबहादुर थापाले कोटीहोम परिसरमा पत्रकार सम्मेलनको आयोजना गर्दै उक्त कार्यक्रमको वारेमा जानकारी दिनुभएको हो । यसका लागि लामो समय बनारसमा आरती गर्दै आउनुभएका गुरुहरुको टोलीले आज सोमवार साँझ साढे ५ बजेदेखि कनकाई आरती हुने छ । उक्त कनकाई आरतीको अवलोकन गर्न र पुण्य प्राप्ति गर्नका लागि सबै मेला भर्न आउने श्रद्धालु भक्तजन तथा सर्वसाधरणमा अनुरोध गरिएको कनकाई धाम धार्मिक विकास समितिका अध्यक्ष शेरबहादुर थापाले बताउँनुभयो । पत्रकार सम्मेलनमा धाम विकास समितिका सचिव यामनाथ खतिवडाले मकर स्नान र मकर मेलाको धार्मिक महत्वमाथि बोल्नुभएको थियो । धाम समितिका महासचिव दिनानाथ खतिवडाले सञ्चालन गरेको पत्रकार सम्मेलनमा धार्मिक विकास समितिका धार्मिक उपाध्यक्ष अम्बिका खरेल, कोषाध्यक्ष मानबहादुर पौडेल, सदस्य डिल्लीराम पाठक लगायातको सहभागिता रहेको थियो ।
