कनकाई अनलाईन
झापा गाउँपालिका वडा नं ४ मा रहेको डिल्लीराज माध्यमिक विद्यालयले विद्यालयका संस्थापक स्व। डिल्लीराज गणेशको ३५औं स्मृति दिवस तथा ६१ औं वार्षिकोत्सव मनाएको छ ।
पुरानो सदरमुकामले चिनिने झापा बजारदेखि ५०० मिटर पूर्वमा डिल्लीराज मावि रहेको छ । २०१९ सालमा अहिलेको झापा गाउँपालिका ९कुमरखोद , टाँघनडुब्बा र शरणामती ०मा त्यतिवेला माध्यमिक विद्यालय थिएन । प्राथमिक विद्यालयहरु मात्रै थिए । शिक्षाप्रेमी संस्थापक स्व। डिल्लीराज गणेशले २०२० सालमा आफ्नै लगानीमा विद्यालयको लागि १० कोठे पक्की भवन र छात्रावास निर्माण गरी विद्यालय संचालनको लागि १० विगाह जग्गा दान दिएका थिए । स्व।गणेशको यस महान कार्यबाट अभिपे्ररित भई स्व। कमलदेवी अग्रवाल , स्व। भैयालाल गणेश , स्व। बाबुलाल अग्रवाल , स्व। नारायण गणेश , स्व। जंजालु राजवंशी, स्व खड्गधारी गणेश , स्व।सत्यनारायण गणेश , स्व।पानालाल हलवाई , स्व। रामलाल राजवंशी , स्व। पल्टन गणेश , स्व। ठाकुरकुमार श्रेष्ठ र टुकुरु गणेशलगायतका दाताले विद्यालयलाई जग्गा दान दिएका थिए ।
अहिले यस विद्यालयमा कक्षा १ देखि १२ सम्मको अध्ययन हुने गरेको छ भने अंग्रेजी र नेपाली दुवै माध्यममा कुल १ हजार १ सय ५५ जना विद्यार्थीहरु अध्ययनरत रहेका छन् । त्यस्तै शिक्षक र कर्मचारी गरी ३४ जना कार्यरत रहेको निमित्त प्रधानाध्यापक गोपीप्रसाद पराजुलीले बताए । पराजुलीले विद्यालयले सुधार गरेको शैक्षिक गुणस्तर , विद्यालयमा विद्यमान देखा परेका भौतिक समस्या , विद्यार्थीहरु नियमित विद्यालय नआउने समस्याका वारेमा जानकारी दिएका थिए ।
त्यसैगरी अभिभावक शिक्षक संघ अध्यक्ष साजेमान शेखले २०७५ सालमा नमुना विद्यालय बनेपछि विद्यालयले अहिलेसम्म हिसाव किताव सार्वजनिक नगरेको , करोडौं रुपैयाँको भवनहरु बनेपनि के कतिमा बन्यो भनेर अहिलेसम्म हिसाव किताव नदेखाएको गुनासो पोखेका थिए ।
विद्यालय व्यवस्थापन समितिका अध्यक्ष कलाम शेखको अध्यक्षतामा भएको कार्यक्रममा प्रमुख अतिथि झापा गाउँपालिकाका कार्यवाहक अध्यक्ष अन्जुदेवी थपलिया रहेकी थिइन् । कार्यक्रममा शिक्षा शाखा प्रमुख जीवनप्रसाद ढकाल , शिक्षक महासंघ झापा गापाका अध्यक्ष जगन्नाथ राजवंशी , शिक्षक संघ झापा गापा अध्यक्ष टिका कट्टेल , कुमरखोद रेडक्रसका पूर्व सभापति सुन्दरलाल गणेशलगायतले शुभकामना मन्तव्य राखेका थिए ।
कार्यक्रममा जग्गादाताका छोरा गणितप्रसाद गणेश , झापा गाउँपालिका लायन्स क्लवका अध्यक्ष जयनारायण शाह , विभिन्न विद्यालयका प्रधानाध्यापकहरु , अभिभावकहरुको उपस्थिति रहेको थियो । शिक्षक गोविन्द राजवंशीले स्वागत गरेको कार्यक्रममा संचालन शिक्षक लोचन यादव र रविन्द्र मैनालीले गरेका थिए ।
