कनकाई अनलाईन
झापा प्याब्सनको आयोजना तथा कनकाई नगर प्याब्सनको आतिथ्यमा जिल्लास्तरीय दुईदिने प्रतियोगितात्मक सांस्कृतिक कार्यक्रम कनकाईमा शुरु भएको छ ।
निजी तथा आवशीय बिद्यालय अर्गनाइजेशन नेपाल (प्याब्सन) झापाको बार्षिक कार्यक्रम अन्तर्गत जिल्ला प्याब्सनको आयोजना तथा कनकाई नगर प्याब्सनको आतिथ्यमा यस पटक कनकाई ३ स्थित दिव्यरत्न अङ्ग्रेजी माविको प्राङ्गणमा आज शनिबारबाट शुरु गरेको जिल्ला स्तरीय नृत्य तथा गायन प्रतियोगिता भोलि २०८१ षौस ७ गते आईतबार सम्पन्न हुने जनाइएको छ ।
दुई दिवसीय कार्यक्रम अन्तर्गत आज पहिलो दिन गायन तर्फ कक्षा ११÷१२ साथै १२ बर्ष मुनिका र कक्षा १० सम्मका विद्यार्थीले आफ्नो प्रतिभा प्रस्तुत गरेका छन । त्यस्तै आजै कक्षा ५ सम्मका बिद्यार्थीले आधुनिक गितमा प्रतियोगितात्मक नृत्य प्रस्तुत गरेका छन ।
प्रतियोगिताको निर्यायक मण्डलमा गायन तर्फ गायिका अन्जु गौतम र गायक तथा सङ्गीतकार विशाल राई रहनु भएको थियो । त्यस्तै नृत्य तर्फको निर्णायकमा
कोरियोग्राफर द्वय राज न्यौपाने र विकि घिमिरे रहनु भएको थियोे ।
प्रतियोगितामा प्रथम द्वितीय र तृतीय भएका विद्यालयले ट्रफी , मेडल र प्रमाणपत्र प्राप्त गर्ने छन् । प्रतियोगिताको हरेक बिधामा प्रथम हुने विद्यार्थीहरुले प्रदेश स्तरीय प्रतियोगितामा भाग लिन पाउने प्याब्सन जिल्ला अध्यक्ष गौरीमान फागोफे जानकारी दिनुभएको छ ।
कार्यक्रममा संबोधन गर्दै कार्यक्रमका प्रमुख अतिथि तथा कनकाई नगर प्रमुख राजेन्द्रकुमार पोखरेलले कनकाई नगरले बिद्यार्थीहरुलाई निजि र सामुदायिकका बिद्यार्थी भनि कुनै विभेद नगरी समान दृष्टिकोणले हेर्ने गरेको र नगरले गर्ने अतिरिक्त कृयाकलापमा समेत संगसगै सहभागी गराउदै अघि बढाउदै आएको बताउनु भयो ।
कनकाई नगरले प्याब्सनलाई समेत केही सहयोग गर्दै आएको बताउदै नगर प्रमुख पोखरेलले यसरी प्रतिस्पर्धा बाट छनौट भएर आएका प्रतिभालाई राष्ट्रिय तथा अन्तरास्ट्रिय छेत्र सम्म पुर्याउन प्याब्सन र सरकार दुबैले सहकार्य गरी अघि बढ्नुपर्नेमा जोड दिनु भयो ।
प्याब्सनका झापाका अध्यक्ष गौरीमान फागोको अध्यक्षतामा भएको कार्यक्रममा प्याब्सनमा आवद्ध केन्द्रीय , प्रदेश , जिल्ला , साथै जिल्लाका सबै पालिकाका शैक्षिक ब्यक्तित्व , बिभिन्न संघ संस्थाका प्रमुख तथा प्रतिनिधि , जनप्रतिनिधि , सुरक्षा कर्मी लगायतको आतिथ्यता रहेको थियोे ।
आयोजक उपसमिति संयोजक तथा प्याब्सन झापाका वरिष्ठ उपाध्यक्ष छत्र बहादुर कार्कीले उपस्थित सबैलाई स्वागत गर्नुभएको कार्यक्रमको सञ्चालन प्याब्सन जिल्ला सचिव हरिकृष्ण पाठक र सहसचिव द्वय लक्ष्मी उप्रेती साथै भवानी पाठकले गर्नुभएको थियो ।
यसैबीच भोली आईतवार राष्ट्रिय र लोक सांस्कृतिक गितमा नृत्य प्रतियोगिता हुने प्याब्सन जिल्ला अध्यक्ष गौरिमान फागोले जानकारी गराउनु भएको छ ।
