कनकाई अनलाईन
निजि तथा आवाशीय बिद्यालयको छाता संगठन ( प्याब्सन ) झापाको बार्षिक कार्यक्रम अन्तर्गतको झापा जिल्ला स्तरिय प्रतियोगितात्मक सास्कृतिक कार्यक्रम यस बर्ष झापाको कनकाई नगरपालिका ३ स्थित दिव्यरत्न अंग्रेजी माध्यमिक विद्यालयको प्राङ्गणमा हुने भएको छ ।
जिल्ला प्याब्सन झापाको आयोजना तथा कनकाई नगर प्याब्सनको आतिथ्यमा आगामी पौष ६ र ७ गते भोलीदेखि दिव्यरत्नमा हुने सास्कृतिक कार्यक्रममा जिल्लाका सबै पालिकाको सहभागीता रहने कनकाई नगर प्याब्सन अध्यक्ष विनोद उप्रेतीले जानकारी गराउनु भएको छ ।
कार्यक्रमको आतिथ्य गर्ने अवसर कनकाई नगरले प्राप्त गरेकोमा जिल्ला प्याब्सनलाई धन्यवाद दिदै कार्यक्रममा सम्पुर्ण अभिभावक , शिक्षक बिद्यार्थी शुभचिन्तक लागयतलाई उपस्थितिका लागी कनकाई नगर प्याब्सनका अध्यक्ष विनोद उप्रेतीले आमन्त्रण समेत गर्नुभएको छ ।
तेस्तै कार्यक्रम आयोजना गर्ने स्थलको रुपमा जिल्ला प्याब्सन र नगर प्याब्सनले दिव्यरत्नलाई छनौट गरि कार्यक्रम गर्ने अवसर दिनुभएकोमा धन्यवाद ज्ञापन गर्दै दिव्यरत्नका संस्थापक प्रिन्सिपल सागर ढुङ्गानाले उक्त कार्यक्रममा उपस्थिति भई कार्यक्रमको सोभावढाउन सम्पूर्णमा अनुरोध गर्नु भएको छ ।
कार्यक्रममा यस अघि भएको पालिका स्तरिय प्रतियोगितामा विभिन्न विधामा प्रथम स्थान हासिल गर्ने बिद्यार्थीहरुबिच जिल्ला स्तरिय प्रतिस्पर्धा हुने वताईएको छ ।
