कनकाई अनलाईन
कनकाई नगर प्याब्सनद्वारा आयोजीत प्रतियोगितात्मक दुई दिवसीय सांस्कृतिक कार्यक्रम शनिवार सम्पन्न भएको छ ।

निजी तथा आवशीय बिद्यालय अर्गनाइजेशन नेपाल (प्याब्सन) झापाको बार्षिक कार्यक्रम अन्तर्गत नगर प्याब्सन कनकाईले कनकाई ३ स्थित दिव्यरत्न अङ्ग्रेजी विद्यालयमा शुक्रबारबाट शुरु गरेको नगर स्तरीय नृत्य तथा गायन प्रतियोगिता २०८१ आज शनिवार सम्पन्न भएको हो ।

दुई दिवसीय कार्यक्रम अन्तर्गत शुक्रबार पहिलो दिन गायन तर्फ कक्षा ११÷१२ साथै १२ बर्ष मुनिका र १२ बर्ष भन्दा माथिका विद्यार्थीले आफ्नो गायन प्रतिभा प्रस्तुत गरेका थिए । त्यस्तै शुक्रबारनै मावि स्तरीय लोक सास्कृतिक नृत्य प्रतियोगिता समेत सम्पन्न भएको थियो ।

कार्यक्रममा आज शनिवार आधुनिक गितमा कक्षा ५ सम्मको र राष्ट्रिय गितमा कक्षा ८ सम्मको नृत्य प्रतियोगिता भएको छ ।
कक्षा ५ सम्मको आधुनिक गितमा भएको नृत्य प्रतियोगितामा प्यनरागन एकेडेमी प्रथम , पाथिभरा एकेडेमी द्वितीय र ग्लोबल एडुकेयर एकेडेमी तृतिय भए । राष्ट्रिय गितमा कक्षा ८ सम्मको नृत्य प्रतियोगितामा प्यारागन एकेडेमी प्रथम , दिव्यरत्न अङ्ग्रेजी बिद्यालय द्वितीय र पाथिभरा एकेडेमी तृतीय भए ।

तेस्तै शुक्रबार सम्पन्न ११÷१२ तर्फको गायन प्रतियोगितामा झापा मेरिगोल्ड अंग्रेजी बिद्यालयका बिद्यार्थी कृष्ण भट्टराई प्रथम , हरिकुल नमुना अंग्रेजी बिद्यालयका बिद्यार्थी अंशु सुनार द्वितीय र पशुपति अंग्रेजी बिद्यालयका बिद्यार्थी सोनु तामाङ तृतीय भए । तेस्तै १२ बर्ष मुनिका बिद्यार्थीको गायन प्रतियोगितामा प्यारागन एकाडेमीको बिद्यार्थी गरिमा सिटौला प्रथम , ज्ञानमाला एकाडेमीको बिद्यार्थी इशा सिटौला द्वितीय र दिव्यरत्न अंग्रेजी बिद्यालयको बिद्यार्थी सद्रक राई तृतीय भए भने १२ बर्ष माथिका बिद्यार्थीको गायन प्रतियोगितामा प्यारागन एकाडेमीको विद्यार्थी शिवंता पाठक प्रथम , अरुणोदय अङ्ग्रेजी बिद्यालयको बिद्यार्थी रिदिमा भेट्वाल र देवकोटा अंग्रेजी बिद्यालयको बिद्यार्थी अश्लिन राई द्वय द्वितीय साथै दिव्यरत्न अंग्रेजी बिद्यालयको बिद्यार्थी निक्षा निरौला तृतीय भए ।
त्यस्तै शुक्रबारनै भएको मावि स्तरीय लोक सास्कृतिक नृत्य प्रतियोगितामा प्यारागन एकेडेमी प्रथम , वेनुवाजा अंग्रेजी बिद्यालय द्वितीय र पशुपति अंग्रेजी बिद्यालय तृतीय भए ।
दुवै दिन भएको प्रतियोगितामा ५ वटामा प्रथम स्थान प्यारागन एकेडेमीले हासिल गरेको छ भने १ विधामा झापामेरीगोल्डले प्रथम स्थान हासिल गर्दै प्याब्सनको जिल्ला स्तरिय प्रतियोगितामा सहभागीता पक्का गरेका छन ।
शुक्रबार सम्पन्न प्रतियोगिताको निर्यायक मण्डलमा गायन तर्फ निशा संगीत बिद्यालयको संचालक गायिका सुनिता कटुवाल साथै गायिका अन्जु गौतम रहनु भएको थियो । त्यस्तै नृत्य तर्फको निर्णायकमा सप्तकोसी नृत्य संघका अध्यक्ष ओम प्रसाद बस्नेत र सुन्दर हरैचा कलाकार संघका प्रमुख सल्लाहकार चन्द्र बहादुर तामाङ रहनु भएको थियोे ।
शनिवारको नृत्य प्रतियोगीतामा रोयल्स डान्स एकेडेमीका प्रबन्धक तथा धरान नृत्यकला प्रतिष्ठान कोषाध्यक्ष सुरेस राई र राष्ट्रिय नाचघर काठमाडौंबाट २६ औ संस्करणका उतृण बिद्यार्थी सिंकईन डान्स स्टुडियो धरानका प्रबन्धक तथा धरान नृत्यकला प्रतिष्ठानका सदस्य पवन तामाङ निर्णायक रहनु भएको थियो ।दुबै दिन निर्णायकको सहजिकरण कनकाई नगर प्याब्सनका सल्लाहकार अखिल कोईरालाले गर्नु भएको थियो

प्रतियोगितामा प्रथम द्वितीय र तृतीय भएका विद्यालयले ट्रफी र मेडल र प्रमाणपत्र प्राप्त गरेका छन् साथै सहभागी सबैलाई सहभागीताको मेडल प्रदान गरिएको छ । प्रतियोगिताको हरेक बिधामा प्रथम हुने विद्यार्थीहरुले जिल्ला स्तरीय प्रतियोगितामा भाग लिन पाउने प्याब्सन कनकाई नगर अध्यक्ष विनोद उप्रेतीले जानकारी दिनुभएको छ ।

यसै बिच कार्यक्रममा नगर प्याब्सनले गत बर्षबाट सुरु गरेको हरेक बर्ष दुईजना शैक्षिक एवं सामाजिक ब्यक्तित्वलाई सम्मान गर्ने कार्यक्रमलाई निरन्तरता दिदै यस बर्ष लामो समय देखी शैक्षिक र सांगीतिक क्षेत्रमा योगदान पुर्याउनुहुने संगित साधना कलाकेन्द्र सुरुङ्गाका संस्थापक ध्रुव पाठक र लामो समय प्रशासनिक र शैक्षिक क्षेत्रमा योगदान पुर्याउनु हुने भानु राजवंशीलाई सम्मान समेत गरिएको छ ।

कार्यक्रममा संबोधन गर्दै कार्यक्रमका प्रमुख अतिथि तथा कनकाई नगर प्रमुख राजेन्द्रकुमार पोखरेलले विश्वका धेरै देशमा दुई धुर्विय शिक्षाप्रणाली रहेको र ति दुवैले सहकार्य गरेर अघि बढेको देश धेरै अघि बढेको र एक आपसमा द्वन्द्व गरेका देशहरु पछाडि परेको जानकारी गराउदै निजि बिद्यालयमा पनि नगरकै बिद्यार्थी हरु अध्ययन गर्ने भएको हुदा कनकाई नगरले प्याब्सनलाई समेत केही सहयोग गर्दै आएको बताउनु भयो ।
उहाले हिजोको शिक्षाको र भौतिक संरचनाको अबस्थामा अहिले बृदि भइरहेको भन्दै कक्षा १२ सम्म पढ्दै गर्दा कुनै न कुनै शिप हासिल गर्न सकुन भनेर त्यस किसिमको शिक्षा पाठ्यक्रममा ल्याउन नगरले छलफल अघि वढाएको पनि जानकारी गराउनु भयो ।

कार्यक्रममा शुभकामना मन्तव्य राख्दै कार्यक्रमका विशिष्ट अतिथि प्याब्सनका केन्द्रीय सदस्य एलपी उप्रेतीले बिद्यार्थी संग भएको प्रतिभा प्रस्फुटन गर्ने अवसर दिई भविस्यमा राष्ट्रिय स्तरमा पुग्न सक्ने वनाउने उदेश्यले प्याब्सनले विगत देखिनै यस किसिमको कार्यक्रम गर्दै आएको जानकारी गराउनु भयो ।
उहाले नगरलाई शिक्षाको हव बनाउने नगरको कार्यक्रमलाई सफल वनाउन नगर प्याब्सन जोडदार रुपले लागेको वताउदै जिल्लाका धेरै पालिकामा निजि र सामुदायिक बिद्यालयलाई हेर्ने दृष्टिकोण फरक भए पनि कनकाई नगरले भने सकरात्मक रुपमै लिएर नगरलाई शाच्चिकै शिक्षाको हव बनाउने प्रयत्न गरिरहेकोमा धन्यवाद समेत ज्ञापन गर्नु भयो ।

कार्यक्रममा प्याब्सनका झापाका अध्यक्ष गौरीमान फागो साथै प्याब्सनमा आवद्ध बिभिन्न क्षेत्रका शैक्षिक ब्यक्तित्व , बिभिन्न संघ संस्थाका प्रमुख तथा प्रतिनिधि , जनप्रतिनिधि , सुरक्षा कर्मी लगायतको आतिथ्यता रहेको थियोे ।

दुई दिवसिय प्रतियोगितात्मक कार्यक्रममा धन्यवाद मन्तव्य राख्दै कार्यक्रमका अध्यक्ष तथा कनकाई नगर प्याब्सनका अध्यक्ष विनोद उप्रेतीले प्रतियोगितामा सहभागी भएर कार्यक्रम सफल वनाउने सम्पुर्ण सहभागी बिद्यालय , कार्यक्रम उपस्थित सम्पुर्ण अतिथि , अभिभावक , शिक्षक , बिद्यार्थी , सुरक्षाकर्मी , पत्रकार लगायतलाई आभार व्यक्त गर्नु भएको थियोे ।

आयोजक उपसमिति संयोजक तथा कार्यक्रम सन्चालन भईरहेको बिद्यालय दिव्यरत्न अंग्रेजी विद्यालयका संस्थापक पिन्सिपल सागर ढुङ्गानाले उपस्थित सबैलाई स्वागत गर्नुभएको कार्यक्रमको सञ्चालन प्याब्सन नगर सचिव गोकुल उप्रेती र कोषाध्यक्ष विमान लामा द्वयले गर्नुभएको थियो ।