कनकाई अनलाईन
झापाको कनकाई नगरपालिका ३ स्थित कनकाई माविको खेल मैदानमा जारी दसैतिहार वडास्तरीय फुटबल प्रतियोगिताको उपाधिका लागि कनकाई ३ र ५ भिडने भएका छन ।
आज सम्पन्न दुबै सेमिफाईनल खेलमा वडा नम्बर ३ र ५ ले जित हात पार्दै फाईनको भेट पक्का गरेका हुन । आज भएको पहिलो सेमिफाईनल खेलमा कनकाई ३ ले ९ लाई ३—० गोल अन्तरले पराजित गर्दै फाईनलमा स्थान बनाएको हो । कनकाई ३ का तर्फबाट छितिज कुँबर एक्लैले २ गोल गरे । उनले खेलको ३२ र ३६ मिनेटमा आफ्नो टिमका लागि गोल गरे । ३ नम्बरका लागि १ गोल खेलको ३३ मिनेटमा अरुण श्रेष्ठले गरे ।
३ का लागि २ गोल गर्ने छितिज कुँबर खेलको म्यान अफ द म्याच बने उनलाई आयोजक समितिका ख्याम ओली, आशिस संग्रौला, दिपेन ओली लगायातले नगद १५ सय सहित ट्रफि प्रदान गर्नुभयो । आजै सम्पन्न अर्को सेमिफाईनल खेलमा वडानम्बर ५ ले ४ लाई समान ३—० गोल अन्तरले पराजित गर्दै फाईनलमा ३ नम्बरसगको भेट पक्का गरेको हो । ५ का लागि रुचन लिम्बुले एक्लैले २ गोल गरे उनले खेलको १९ र ३२ औ मिनेटमा गोल गरे । ५ का लागि खेलको ३१ मिनेटमा सचिन बस्नेतले १ गोल गरे । यता ४ नम्बरले भने पाएको एउटा पेलान्टीमा समेत गोल गर्न नसकेपछि फराकिलो हार व्यर्होन पुग्यो ।
आजको दोस्रो खेलको म्यान अफ दी म्याच वडानम्बर ५ का गोलकिप्पर अस्मित संग्रौला बने उनलाई आयोजक समितिका आशिस संग्रौलाले नगद १५ सय र ट्रफि प्रदान गरे ।
यहाँस्थित होटल डिलाईट र अमेरिकी भुतपुर्व आर्मी आशिस संग्रौलाद्धारा आयोजित वडास्तरीय फुटबल प्रतियोगिताको फाईनल खेल भोली बुधवार ठिक ३ बजे हुने छ । फाईनल जित्ने टिमले नगद ७१ हजार र आकर्षक ट्रफि प्राप्त गर्दा उपबिजयी हुने टिमले नगद ३५ हजार पाउने छ । विधागत उत्कृष्ट खेलाडीले समेत नगद ५ हजारका दरले पुरस्कार पाउनेछन ।
प्रतियोगिता कनकाई माविको खेल मैदानमा कार्तिक ९ गतेदेखि आयोजना हुदै आएको छ । फाईनल खेल कनकाई अनलाईनबाट प्रत्यक्ष समेत हेर्न सक्नुहुनेछ ।
