कनकाई अनलाईन
झापाको कनकाई नगरपालिका ३ स्थित कनकाई माविको खेल मैदानमा जारी दसैतिहार वडास्तरीय फुटबल प्रतियोगिताको आज सम्पन्न खेलमा वडा नम्बर ९ र ५ आआफ्नो खेलमा जित दर्ता गर्दै सेमिफाईनलको यात्रा तय गरेका छन ।
आज भएको पहिलो खेलमा वडा नम्बर ९ ले वडानम्बर ६ लाई २—१ गोल अन्तरले पराजित गर्दै सेमिफाईनलमा प्रवेश पाएको छ । बिजयी टिमको तर्फबाट खेलको १५ औ मिनेटमा दिक्षित चौधरी र ३५ मिनेटमा रबि मुर्मुले गोल गर्दै टिमलाई बिजयी बनाए । उक्त खेलमा गोककर्ता रवि मुर्मु म्यान अफ द म्याच हुन सफल भए । उनले नगद १५ सय रुपैँया पुरस्कार प्राप्त गरे । उनलाई समाजसेवी शेरबहादुर थापा, आयोजक समितिका ख्याम ओली , आशिस संग्रौला, खेल संयोजक दिपेन ओली, वेविशा दवाडी लगायातले म्यान अफ दी म्याचको पुरस्कार प्रदान गर्नुभयो ।
यसैगरि आजै भएको दोस्रो खेलमा वडानम्बर ५ ले वडानम्बर २ लाई १—० गोल अन्तरले पराजित गर्दै दोस्रो चरण सेमिफाईनलमा प्रवेश पाएको छ । वडा नम्बर ५ का तर्फबाट एकमात्र निर्णायक गोल खेलको तेस्रो मिनेटमै रुचन लिम्बुले गोल गर्दै आफ्नो टिमलाई बिजयी बनाए । उनी खेलको म्यान अफ दी म्याच बन्दै नगद १५ सय प्राप्त गर्न सफल बने ।
भोलीको पहिलो सेमि फाईनल खेल आजको बिजेता टिम कनकाई ५ र कनकाई भेट्रान्स टिमबिच हुने आयोजक समितिका खेल संयोजक दिपेन ओलीले बताउँनुभयो ।
कनकाई माविको खेल मैदानमा कार्तिक ९ गतेदेखि आयोजित खेल प्रतियोगिता स्थानीय होटल डिलाईट, भुतपुर्व अमेरिकी सैनिक आशिस संग्रौला लगायातको आयोजनामा खेल प्रतियोगिता हुदै छ । प्रतियोगितामा प्रथम हुने टिमले नगद ७१ हजार र ट्रफि तथा दोस्रो हुने टिमले नगद ३५ हजार प्राप्त गर्ने छ । फाईनल खेल आगामि कार्तिक १४ गते हुने छ । प्रतियोगितामा यसअघिनै कनकाई ८ ले ४ लाई पराजित गर्दै सेमिफाईनलमा प्रवेश गरिसकेको छ भने कनकाई ३ समेत ७ लाई हराउँदै सेमिफाईनलमा प्रवेश गरिसकेको छ ।
