कनकाई अनलाईन
उपचारका क्रममा झापा कारागारमा कैद भुक्तान गरिरहेका एक कैदी फरार भएका छन् ।
आज करिब विहान ३ बजेर ३७ मिनेटमा कारागारमा कैद भुक्तान गरिरहेका भद्रपुर ५ का जीवन साह फरार भएका छन् ।
फरार साहलाई छाती सम्बन्धी बिरामी भई उपचारका निम्ति प्रादेशिक अस्पताल लगिएको थियो । उनलाई थप उपचारका निम्ति ओमसाई पाथीभरा अस्पताल लगिएको थियो ।
साहले ट्वाईलेट लगेको बहाना बनाएर अस्पतालको सौचालयबाट भागेका हुन । हाल फरार उनीलाई जिल्लाका प्रहरी उपरीक्षक समेतको कमाण्डमा अन्य जिल्ला संग सम्नवय गरि खोजतलास कार्य भैरहेको प्रहरीले जनाएको छ ।
साहलाई प्रहरी सहायक हवल्दार धनेश्वर यादवको नेतृत्वमा अस्पताल लगिएको थियो । उनका कुरुवाका निम्ति प्रहरी जवान दिपेन मण्डल र साम कुमार राई लगायतका प्रहरीहरु खटिएका थिए ।
साहले जबरजस्ती करणीको मुद्दामा कैद भुक्तान गरिरहेका थिए । उनीलाई राती उनकी श्रीमतीले स्कुटीमा राखेर अस्पतालबाट बाहिर लगिरहेको सिसि टिभी फुटेजमा दखिन्छ । उनको खोजी कार्य जारी रहेको जिल्ला प्रहरी कार्यालय झापाका प्रहरी प्रमुख मिलन केसीले बताउँनुभयो ।
