कनकाई अनलाईन
बिहीवार राति झापाको मेचीनगर नगरपालिका १२ स्थित देउनिया पुलमा भएको मोटरसाइकल दुर्घटनामा परि मोटरसाईकल चालक झापा बुद्धशान्ति गाउँपालिका २ का ४० बर्षिय ज्ञानेन्द्रराज कार्कीको मृत्यु भएको छ ।
बिहीवार राति ८.३५ बजेको समयमा मेचीनगर नगरपालिका वडा नं.१२ देउनिया पुलस्थित लोकमार्गमा बिर्तामोडबाट चारआलीतर्फ जाँदै गरेको मे११प १६०९ नं. को मोटरसाईकल आफै अनियन्त्रित भई दुर्घटना हुँदा चालक कार्कीको मृत्यु भएको जिल्ला ट्राफिक प्रहरी कार्यालय झापाले जनाएको छ । गम्भीर घाईते भई कार्कीलाई उपचारको लागि बीएण्डसी अस्पताल बिर्तामोड लाने क्रममा बाटोमा नै मृत्यु भएको हो । बिहिवारनै मेचीनगरमा दुईवटा मोटरसाइकल एकापसमा जुध्दा पाँचजना घाइते भएका छन् भने बुधवार मात्रै एक्कैदिन झापामा सवारी दुर्घटनामा परि ५ जनाको मृत्यु भएको छ । केही दिनदेखि झापामा सवारी दुर्घटना बढेको छ ।
