कनकाई अनलाईन
झापाको कमल गाउँपालिका ३ सानो केर्खामा मोटरसाईकल दुर्घटनामा परि एक जनाको ज्यान गएको छ । शनिवार राती करिब साढे ११ बजे पूर्वपश्चिम राजमार्ग अन्तर्गत कमल गाउँपालिका वडा नं ३ सानो केर्खामा दमकबाट विर्तामोडतर्फ जादै गरेको बा ६४ प १४०० नम्बरको १५० सीसिको मोटरसाईकल आफै अनियन्त्रित भएर कल्भर्टमा ठोक्किदा भएको दुर्घटनामा मोटरसाईकल चालक अर्जुनधारा नगरपालिका वडा नं ४ का २७ बर्षिय पिरती भन्ने विष्णु लिम्बुको मृत्यु भएको हो ।
उनलाई उपचारका लागि बिएण्डसी अस्पताल विर्तामोड पुर्याउनसाथ चिकित्सकहरुले मृत घोषणा गरेको जिल्ला प्रहरी कार्यालय झापाले जनाएको छ ।
मोटरसाइकल पछाडी बस्ने अर्जुनधाराकै १५ बर्षिय बिपल नेपाल घाईते हुनुभएको छ ।
