कनकाई अनलाईन
झापाको अर्जुनधारा नगरपालिका ५ स्थित फुलबारी टोलमा सुपारी चोरी गर्दागर्दै २ जनालाई गाउँलेले रङ्गेहात पक्राउ गरेका छन ।
बुधवार बेलुकी अन्दाजी ७ बजे अर्जुनधारा–५ फुलबारी टोलस्थित देवि गिरीको सुपाडी बगानबाट काचो सुपारी झारी बोरामा लगाएर लैजादै गरेको अवस्थामा २ जनालाई पक्राउ गरिएको जिल्ला प्रहरी कार्यालय झापाले जनाएको छ ।
पक्राउ पर्नेमा अर्जुनधारा–७ बस्ने सुनिल राई र अर्जुनधारा–८ बस्ने ‘आलो’ भनिने सुरज मण्डल रहेका छन ।
उनीहरुको साथबाट ५ वटा बोरामा भरेको १ सय ८३ किलो सुपारी बरामद गरिएको छ ।
सुपाडीसहित पक्राउ परेका उनीहरुलाई प्रहरी चौकी शनिश्चरेको टोलिले नियन्त्रणमा लिई थप अनुसन्धानका लागि इलाका प्रहरी कार्यालय अनारमनीमा जिम्मा लगाएको छ ।
