कनकाई अनलाईन
झापाको चर्चित पर्यटयिय स्थल दोमुखामा आज साँझको समयमा दुई पिकनिक टोलीविच झगडा हुदा खुकुरी प्रहारबाट बिर्तामोडस्थित एक होटलको पिकनिकमा आएका २ जना युवा घाईते बनेका छन ।
आज साँझ करिब साढे ५ बजेको समयमा बिर्तामोडस्थित हाईप होटलबाट गएको पिकनिक र अर्को सुरुङ्गा बजारबाट युवा समुहको पिकनिक बिचमा मादक पदार्थ सेवन गरेर सामान्य विषयमा विवाद हुदै उक्त झगडा खुकुरी हानाहानको अवस्थामा पुगेको थियो । खुकुरी प्रहारबाट बिर्तामोड ५ का उमेश चौधरी र दिपक लिम्बु घाईते बनेका छन । घाईते दुबैको बिर्तामोडस्थित चौधरीको बिएण्डसी अस्पताल र लिम्बुको बिर्तासिटी अस्पतालमा उपचार भइरहेको छ । उनीहरुलाई मोटरसाईकलको हेल्मेट र खुकुरी प्रहार गरिएको छ । सुरुङ्गा स्थित धनुषकोटीधाममा दुई समूहबिच झडप भएको छ । पिकननिक स्थलबाट प्रहरीले प्रहार गरेको खुकुरी र खुकुरी प्रहार गर्ने समुहको २ थान मोटरसाईकल समेत बरामद गरिसकेको छ । घटनावारे थप अनुसन्धान गरिरहेको र घटनाको कारण भने मादक पदार्थ सेवननै प्रमुख रहेको प्रहरीले जनाएको छ । दिउसो २ बजेदेखि सामान्य दुई पिकनिक समुहका विचमा विवाद भएपनि विवाद वढेर साँझमा भने विवाद बढेर खुकुरी हानाहानमा पुगेको हो ।
यता घाईतेहरुको टाउकोमा चोट देखिएको र २४ घण्टा अब्र्जरवेशनमा राखिएको अस्पताल प्रशासनले जनाएको छ ।
फोटो ः पिकनिक स्थलमा घाईते भएर विएण्डसी अस्पतालमा उपचार गराउँदै घाईते चौधरी र धनुषकोटी धाम पिकनिक परिसर तस्वीर कनकाई अनलाईन परिवार
