कनकाई अनलाईन
जुवा खेलिरहेको अवस्थामा झापाको गौरादह नगरपालिका ३ को एक घरबाट नगद, तास कौडासहित १५ जुवाडे पक्राउ परेका छन् ।
गौरादह नगरपालिका –३ बस्ने युवराज खड्काको घरमा जुवा खेलिरहेको अबस्थामा शुक्रवार बिहान ३ बजे इलाका प्रहरी कार्यालय दमक र गौरादहबाट खटिएको प्रहरी टोलीले जुवा खेलिरहेको अवस्थामा १५ जनालाई नगद १ लाख ३५ हजार नौ सय २० रुपैँया सहित १६ थान कौडा, तीन बुक ताससहित पक्राउ गरेको हो । पक्राउ परेका सबैलाई इप्रका दमक इलाका प्रहरी कार्यालयमा ल्याई थप अनुसन्धान थालिएकोे जिल्ला प्रहरी कार्यालय झापाका प्रहरी प्रवक्ता प्रहरी नायब उपरीक्षक खगेन्द्र रिजालले जानकारी दिनुभयो ।
