कनकाई अनलाईन
नेपाल होस्टल व्यावसायी संघको केन्द्रिय अध्यक्षमा झापा सुरुङ्गाका युवा व्यावसायी सुनिल भेटवाल सर्वसम्बत अध्यक्षमा चयन हुनुभएको छ ।
हिजो काठमाण्डौमा सम्पन्न होस्टल व्यावसायी संघको दोस्रो चुनावी अधिवेशनबाट भेटवाललाई अध्यक्षमा सर्वसम्मत चयन गर्दै सम्पन्न भएको छ । भेटवाल यहाँस्थित कनकाई खेलकुद प्रतिष्ठानका संस्थापक एवम् ज्ञानज्योती युवा क्लवका संस्थापक अध्यक्ष लगायातका विभिन्न संघ संस्थामा आवद्ध रहनुभएको छ ।
भेटवालको अध्यक्षतामा गठित समितिको बरिष्ठ उपाध्यक्षमा किरन शर्मा, उपाध्यक्षमा भीम भण्डारी र अम्बिका शाही कोईराला, महासचिवमा सुनिता बाटाजु, सचिवमा देवराज कडेल, कोषाध्यक्षमा महेश्वर सापकोटा चयन हुनुभएको छ । यसैगरि सदस्यहरुमा रमा योगी, बिन्दीरा न्यौपाने, रचना ज्ञावली, ताराबहादुर घिमिरे, सबिता थापा, सन्तोष बस्नेत, श्यामसुन्दर यादव, धन कुरा राई रहनुभएको छ । अधिवेशनले १५ सदस्यीय नयाँ कार्य समितिको चयन गरेको हो ।
