कनकाई अनलाईन
कोशी प्रदेश क्रिकेट सङ्घको अध्यक्षमा सर्वजित् पाण्डे निर्वाचित हुनुभएको छ । झापाको काँकडभिट्टामा भएको संघको दोस्रो अधिवेशनबाट विराटनगर निवासी पाण्डेले अर्का अध्यक्षका प्रत्यासी सुनसरी इनरुवाका विप्लव घोषलाई ६ मतले पराजित गर्दै निर्वाचित हुनुभएको हो । पूर्व राष्ट्रिय खेलाडी समेत रहनुभएका पाण्डेले १९ मत प्राप्त गर्दा घोषले १३ भोट प्राप्त गनुभयो । उपाध्यक्षमा उदयपुरका अनुप ढुङ्गाना १८ मतले विजयी हुदा उहाँका प्रतिद्धन्द्धी झापाका प्रवीण थापालाई १४ मत प्राप्त गर्नुभयो ।
सचिवमा इलामका टिकाराम पुरीले इलामकै अर्जुन पौडेललाई पराजित गर्दै निर्वाचित हुनुभयो । पुरीले १८ मत ल्याउँदा पौडेलले १४ मत प्राप्त गर्नुभयो । कोषाध्यक्षमा झापाका बिरु श्रेष्ठले सुनसरीका चेतनाथ पौडेल सिपीलाई ५ मतले हराउँदै निर्वाचित हुनुभयो । श्रेष्ठले १९ मत ल्याउँदा पौडेलले १३ मत ल्याउनुभयो ।
कार्यसमितिको सदस्यहरूमा झापाका सुरेश गुरागाईँ, सचित आनन्द सुब्बा, नारद नेपाल, सुनसरीका सुमेश कुमार हलुवाई, शिवकुमार यादव, ताप्लेजुङका मिङ्मा डन्डु शेर्पा, विराटनगरका नवीन घिमिरे, अम्बिका बुढाथोकी र उदयपुरका रामकृष्ण आचार्य निर्वाचित हुनुभयो । साधरणसभा नेपाल क्रिकेट संघका केन्द्रिय अध्यक्ष चतुरबहादुर चन्द, क्रिकेटका पुर्व राष्ट्रिय खेलाडी पारस खडका लगायातले उदघाटन गर्नुभएको थियो ।
