कनकाई अनलाईन
कनकाई नगरपालिका १ प्रजापतिमा एक घरमा चोर्दा चोदै २ जना चोर पक्राउ परेको छ ।
स्थानीयको घरमा राखेको काठको बटम घरबाट झिकेर चोरी गर्दै गरेको अवस्थामा झापा कनकाई नगरपालिकाका ४ का २३ बर्षिय सरोज आले मगर र सोही ठाउँ बस्ने २५ बर्षिय अशोक आले मगरलाई काठ चोरी गर्दै गर्दा घरकाले देखेर प्रहरीलाई खबर गरेका थिए । प्रहरीले तत्काल घटनास्थलमा पुगि दुबैजनालाई चोरी गरेको काठ र साईकल सहित पक्राउ गरेको इलाका प्रहरी कार्यालय सुरुङ्गाका प्रहरी प्रमुख वरिष्ठ प्रहरी नायव निरिक्षक अशोक कोइरालाले बताउँनुभयो । पक्राउ गरेका दुबैजना लागुऔषध प्रयोगकर्ता हुनसक्ने प्रहरीले बताएको छ ।
उनीहरुले चोरी गरेको काठ सुरुङ्गाकै काष्ठ फर्निचरमा लगेर विक्री गर्ने गरेको वयान दिएका छन । पक्राउ गरिएका दुबैजनालाई आवश्यक कार्वाहीका लािग इलाका प्रहरी कार्यालय बिर्तामोड लगिएको छ ।
यता नजिकिदो चाडपर्वसगै स्थानीयको खसी कुखुरा र काठ, मोवाईल चोरीका घटना वढेको भन्दै स्थानीयले प्रहरीमा उजुरी हालेका छन ।
