कनकाई अनलाईन
झापाको शिवसताक्षी नगरपालिका ८ झिलझिले बजारमा शनिवार बिहान आगलागी हुँदा करिब ५० लाखको क्षति भएको छ ।
मोहन मैनालीको घरको पुजा कोठामा विद्युत सर्ट भई बिहान ७.४५ बजे आगलागी भएको हो । आगलागीबाट घरको एउटा फ्लाट नै जल्दा करिव ५० लाखबराबरको क्षति भएको इलाका प्रहरी कार्यालय झिलझिलेका प्रहरी निरीक्षक युवराज कट्वालले बताउँनुभयो ।
स्थानीय , प्रहरी र शिवसताक्षी नगरपालिकाको दमकलको सहयोगमा बिहान ९.१५ बजे आगलागी नियन्त्रणमा लिएको प्रहरी निरीक्षक कट्वालले बताउँनुभयो ।
