कनकाई अनलाईन
रोटरी क्लव अफ कनकाई सुरुङ्गाका अध्यक्ष शिव कडेँल तथा पुष्पा कडेँलका सुपुत्र नमन कडेँलले आफ्नो जन्मदिन यहाँस्थित गौरादह नगरपालिका ३ निवासी दृष्टिबिहिन तथा गरिब परिवारका राम लक्ष्मण धिमालको घरमा पुगि मनाएका छन ।
रोटरी क्लव अफ सुरुङ्गाको समन्वयमा आयोजित जन्मोत्सव कार्यक्रममा दृष्टिबिहिन परिवारमा खाद्यान्न लगायातका सामग्री सहयोग गर्दै जन्मदिन मनाएका हुन । असाहायलाई सहयोग मात्रै नभएर वालवालिकाहरुलाई असाहायप्रति सहयोग र सदभाव जगाउने शिक्षा दिने उद्धेश्यका साथमा रोटरीले यसरी असाहायहरुको घरघरमा जन्मदिन मनाउने कार्यक्रमको आयोजना राखेको रोटरी क्लव अफ सुरुङ्गाका अध्यक्ष शिव कडेँलले बताउँनुभयो ।
यस अघि घरविहिन यस परिवारलाई कडेँल लगायातको सहयोगबाट घर निर्माण गरिएको थियो । जन्मदिनको उक्त कार्यक्रममा रोटरीका अध्यक्ष शिव कडेँल, रोटरीका पुर्वअध्यक्ष कुमारमणि पोखरेल, अखिल कोइराला, जविन तिम्सिना, सरला पोखरेल, कमल कट्टेल, उषा उप्रेती लगाायातको सहभागिता रहेको थियो ।
यसैविच आफ्नो जन्मदिनको अवशर पारेर नमन कडेँलले राम लक्ष्मण धिमालसगै मिलेर वृक्षारोपण समेत गर्नुभएको थियो ।
