कनकाई अनलाईन
झापाको कनकाई नगरपालिका १ स्थित श्रृजना टोलमा आज दिउसो ३ बजेको समयमा खाल्डोमा डुबेर २ बच्चाको निधन भएको छ ।
स्थानीय बिजय भुजेलकी ४ बर्षिय छोरी निशा भुजेल र अर्का प्रकाश जोगीका अढाई बर्षिय छोरा अनमोल जोगीको भैसी आहाल बस्ने पानी जमेको खाल्डोमा डुबेर मृत्यु भएको हो ।
स्थानीय बाघे खोलाले बनाएको खाडलमा जमेको पानीमा खेल्ने क्रममा दुबै बच्चाको डुबेर मृत्यु भएको इलाका प्रहरी कार्यालय सुरुङ्गाका बरिष्ठ प्रहरी नायव निरिक्षक अशोक कोइरालाले बताउँनुभयो । दुबै घरका अभिभावहरु जनमन गर्न अन्यत्र गएको र बच्चाहरु खेल्नेक्रममा डुबेर मृत्यु भएको प्रहरीले जनाएको छ । बच्चा डुबेर मृत्यु भएको गाउँमा थ्रोत्रा सामाग्री संकलन गर्न हिडनेहरुले देखेर स्थानीयलाई खबर गरेका थिए । दुबै बच्चाहरुको मृत्युपछि अहिले कनकाई नगरपालिका १ स्थित श्रृजना टोल शोकमा डुबेको छ ।
मृतकमध्ये जोगीका बुबा प्रकाश फेरि लगाउन अन्यत्र जिल्ला बाहिर गएको तथा भुजेलका बाबु बिजय दाउरा खोज्न तथा आमा भने जनमनका लागि अन्यत्र गएको स्थानीय कैलास दर्जीले बताउँनुभयो ।
