कनकाई अनलाईन
कनकाई नगरपालिका ४ कोटीहोममा गएराती सोमवार ८ बजेर ५ मिनेटमा मोटरसाईकललाई ठक्कर दिने पिकअपलाई प्रहरीले दुर्घटनाको १८ घण्टापछि प्रहरीले नियन्त्रणमा लिएको छ ।
प्रहरीले झापा कनकाई नगरपालिका ४ कोटीहोम त्रिवेणी टोलमा हिजो राती ८ बजेर ५ मिनेटको समयमा एक पिकअफले ठक्कर दिदा मोटरसाईकलमा पछाडि सवार एक जनाको मृत्यु भएको थियो । ठक्कर दिने पिकअफ भ्यान भने फरार रहेको थियो । यसरी ठक्कर दिने पिकअपलाई प्रहरीले शिवसताक्षी नगरपालिका शिवगञ्जबाट नियन्त्रणमा लिएको हो । मोटरसाईकलाई ठक्कर दिएर फरार पिकअप प्र १ —०१—००१ च ९५३२ नम्बरको रहेको समेत इलाका प्रहरी कार्यालय सुरुङ्गाले जनाएको छ । हाल ठक्कर दिने पिकअपलाई इलाका प्रहरी कार्यालय दमकमा राखिएको छ ।
हिजो राती पुर्वबाट पश्चिमतर्फ जादै गरेको मोटरसाईकललाई दक्षिणबाट उत्तरतर्फ जादै गरेको उक्त पिकअपले ठक्कर दिदा कनकाई नगरपालिका ४ कोटीहोम निवासी ३५ बर्षिय सम्भु लिम्बुको उपचारका क्रममा बिर्तामोडस्थित बिर्तासिटी अस्पतालमा मृत्यु भएको थियो ।
मे ३ प ७०७९ नम्बरको मोटरसाईकलमा सवार मामा भान्जालाई पिकअप भ्यानले ठक्कर दिएर पिकअप फरार भएको थियो । पिकअफको ठक्करबाट घाईते बनेका लिम्बुको उपचारका क्रममा अस्पतालमा मृत्यु भएको थियो ।
दुर्घटनामा परि मोटरसाईकल चालक मृतकका भान्जा २० बर्षिय सागर लिम्बुको भने अवस्था सामान्य रहेको छ ।
