कनकाई अनलाईन
झापामा अवैध सामान र बेवारिसे अवस्थामा फेला परेको गाडी प्रहरीले नियन्त्रणमा लिएको छ ।
झापाको मेचीनगर नगरपालिका ६ बाट उक्त सामान र गाडी नियन्त्रणमा लिएको हो ।
प्रहरीका अनुसार नेपालबाट भारततर्फ लैजाँदै गरेको करिब दुई लाख ४४ हजार बराबरको विन चिटर १७० पिस र ट्राउजर ४० पिस बरामद गरी आवश्यक कारबाहीको लागि मेची भन्सार कार्यालय पठाइएको छ । यस्तै बेवारिसे अवस्थामा फेला परेको मे१च ७९४६ नम्बरको बोलेरो गाडी पनि नियन्त्रणमा लिएर कारबाहीका लागि मेची भन्सार कार्यालय पठाइएको प्रहरीले जनाएको छ । बेवारिसे अवस्थामा फेला परेको उक्त गाडी यातायात कार्यालयमा बुझ्दा समेत उक्त नम्बरको गाडी फेला नपरेकोले उक्त गाडीलाई समेत १२ लाखको मुल्याङ्कन गरी मेची भन्सार कार्यालयमा बुझाइएको प्रहरीले जनाएको छ ।
