कनकाई अनलाईन
झापा बुद्धशान्ति गाउँपालिका ४ मा शनिबार दिउसो विद्यालय बसको ठक्करबाट एक बालिकाको मृत्यु भएको छ ।
बुद्धशान्ति गाउँपालिका ४ को भित्रि सडक खण्डमा पश्चिमबाट पूर्वतर्फ जाँदै गरेकोे ना ४ ख १३१३ नम्बरको को शान्ति आदर्श माध्यमिक विद्यालय शान्तिनगरको विद्यालय बसले बाटोमा हिँड्दै गरेकी ८ बर्षिय सोमिया तामाङ लाई ठक्कर दिएको थियो । घाईते तामाङको उपचारको क्रममा बिर्तामोड स्थित बिएण्डसि अस्पतालमा शनिवार साँझ साढे ५ बजे निधन भएको जिल्ला प्रहरी कार्यालय झापाले जनाएको छ । ठक्कर दिने स्कुलबस चालक ईलाम रोङ गाउँपालिका ५ का ५२ वर्षिय प्रेम कुमार राई र स्कुल बस हाल प्रहरीको नियन्त्रणमा रहेको छ ।
