कनकाई अनलाईन
झापाको धार्मिक पर्यटकीय क्षेत्र सताक्षीधामको झर्नामा पौडी खेल्ने क्रममा डुबेर एक युवकको मृत्यु भएको छ । कमल गाउँपालिका ५ का १९ बर्षिय निश्चय भण्डारीको पौडी खेल्ने क्रममा डुबेर ज्यान गएको जिल्ला प्रहरी कार्यालय झापाले जनाएको छ । माथिल्लो झरनाको दहमा पौडी खेल्ने क्रममा शनिवार दिउसो करिव १२ बजेतिर डुवेर भण्डारीको मृत्यु भएको हो ।
झर्नामा डुबेर घटना स्थलमै मृत्यु भएको प्रहरीले जनाएको छ ।
शनिवार भण्डारी साथीसग सताक्षीधाम क्षेत्रमा घुम्न आएका थिए । धामबाट करिव १ किलोमिटरको दुरीमा रहेको इलामको माई नगरपालिका वडा नम्बर ८ को माथिल्लो झरनामा शनिवार मध्यान्न १२ बजे पौडी खेल्न दहमा पसेका थिए ।
