कनकाई अनलाईन
नेपाल खेलकुद महासंघ कनकाईको आयोजनामा कनकाई नगरपालिका ५ तुलसीवारीमा गत वैशाख १६ गतेदेखि आयोजित प्रथम वार्डस्तरीय नकआउट फुटबल प्रतियोगिताको उपाधि वडानम्बर ५ ले हात पारेको छ ।
सम्पन्न फाईनल खेलमा ५ नम्बरले २ नम्बरको चुनौती २—० गोल अन्तरले पराजित गर्दै जित हात पारेको हो । आफ्नो होम ग्राउण्डको समेत फाईदा उठाउदै ५ नम्बरले खेलको पहिलो हाफमा मनिस लिम्बु र दोस्रो हाफमा सहिल लिम्बुले आफ्नो जिमका लागि गोल गर्दै उपाधि दिलाएका थिए । बिजयी बनेसगै ५ नम्बरले नगद ३१ हजार रुपैँया प्राप्त गरेको छ । उक्त रकम कार्यक्रमका प्रमुख अतिथि समेत रहनुभएका नेपाल खेलकुद महासंघको कोशी प्रदेश अध्यक्ष राजकुमार थापाले सौजन्य प्रदान गर्नुभएको हो । उपबिजयी बनेको २ नम्बर वार्डले नगद २१ हजार रुपैँया प्राप्त गर्यो । उक्त पुरस्कारको राशी खेलकुद महासंघका लेखा समिति सदस्य तथा यस क्षेत्रका सामाजिक अभियान्ता समेत रहनुभएका सुनिल भेटवालले प्रदान गर्नुभयो ।
फाईनल खेलको म्यान अद द म्याच बिजयी टिमका सहिल बस्नेत, हाई स्कोरर बिजयी टिमकै रुचन लिम्बु र सर्वोकृष्ट खेलाडी समेत बिजयी टिमकै मनिस लिम्बु बने ।
खेलकुद महासंघका कनकाई नगर अध्यक्ष गोविन्द सुवेदीको सभापतित्वमा भएको प्रतियोगितामा ५ नम्बर वार्डका वडाअध्यक्ष कृष्ण राई, २ का वडाअध्यक्ष प्रताप राई, कनकाई नगरपालिका कार्यपालिका सदस्य सावित्रा बर्देवा, ३ का वडासदस्य सुष्मा परियार, अनिल गोयल लगायातको आतिथ्यता रहेको थियो ।
