कनकाई अनलाईन
गत शुक्रबार असिना सहित आएको हावाहुरी र बर्षाले कनकाई नगरपालिका ३ चारआली चौकमा संचालित पवित्रा कृर्षि फार्ममा रहेको फुलवारी र यसमा रहेका फुलका बेर्ना र दल, अन्य तरकारी बारीमा समेत क्षति पुर्याउदा लाखौ मुल्य बराबरको नोक्सानी गरेको छ ।
असिना सहित आएको हावाहुरी र बर्षाले फार्ममा रहेका विभिन्न स्वदेशी तथा विदेशी जातका मुसुण्डा, अल्मण्डा, गुलाब, मारान्टा लगायातका विदेशी र स्वदेशी जातका फुलवारीमा क्षति पुर्याउदा आफ्नो ५० लाख बराबरको क्षति पुगेको कृर्षि फार्ममा संचालक दिपक शिवाकोटीले बताउँनुभयो । हावाहुरीले काक्रा, फर्सी, भिण्डी लगायातका विक्रिका लागि तयारी अवस्थामा रहेका तरकारी वारीमा समेत क्षति पुर्याएको शिवाकोटीले बताउँनुभयो । हावाहुरीले पुर्वको चेप्टी लगायातका विभिन्न पर्यटकिय स्थलका लागि तयारी अवस्थामा राखिएको फुलवारी समेत नष्ट्र गरेको छ ।
