बिर्तामोड । राष्ट्रिय तथ्यांक कार्यालयले १२औं राष्ट्रिय जनगणना २०७८ को विवरण सार्वजनिक गरेको छ । सार्वजनिक भएको विवरण झापाको वार्षिक जनसंख्या वृद्धिदर १ दशमलव ९७ रहेको छ ।
०६८ मा भएको जनगणनामा झापाको जनसंख्या ८ लाख १२ हजार ६ सय ५० थियो । आज सार्वजनिक भएको तथ्याकङमा झापा जिल्लाको जनसंख्या ९ लाख ९८ हजार ५४ पुगेको छ । एक दशकमा झापाको जनसंख्या १ लाख ८५ हजार ४०४ वृद्धि भएको छ । राष्ट्रिय तथ्यांक कार्यालयका अनुसार झापाको जनसंख्या धनात्मक देखिएको छ ।
