कनकाई अनलाईन
झापामा हतकडी सहित एक कैदी फरार भएका छन । झापा बिर्तामोडस्थित बिर्ताबजारको प्रहरी चौकीबाट थुनुवा प्रविण माझि हतकडी सहित फरार भएका हुन ।
बिहीबार बिहान २ बजेको समयमा शौचालय लैजाने क्रममा उनी हतकडीसहित फरार भएको जिल्ला प्रहरी कार्यालय झापाले जनाएको छ । मंगलबार बेलुका बिर्तामोड–३ का २५ बर्षीय प्रबिण माझीलाई चोरी आरोपमा प्रहरीले नियन्त्रणमा लिएको थियो ।
अनुसन्धानका लागि चौकीमा राखिएको अबस्थामा उनी राति नै फरार भएको प्रहरीले जनाएको छ । बिहान खोजी गर्ने क्रममा खेतमा हतकडी भेटिएको तर माझी भने फरार रहेको र खोजी भइरहेको प्रहरीले जनाएको छ ।
यस विषयमा बुझदा जिल्ला प्रहरी कार्यालय झापाका प्रवक्ता प्रहरी नायव उपरीक्षक खगेन्द्रप्रसाद रिजालले थुनुवाको खोजी भइरहेको बताउनुभयो । हतकडी भेटिएपनि माझीलाई प्रहरीले पक्राउ गर्न सकेको छैन् । पछिल्लो समय झापामा चोरीका घटना बढेको छ ।
