कनकाई अनलाईन
राष्ट्रपति रनिङ्ग शिल्ड र अन्य खेलकुद गतिविधिले फोहोर बनेको कनकाई माविको खेलमैदानको सरसफाई गर्न समाजसेवी शेरबहादुर थापा जेसिवि लिएर खेलमैदानमै प्रवेश गर्नुभएको छ ।
जिल्ला स्तरीय महिला फुटबल चलिरहेको कनकाई माविको खेल मैदान झाँडी र फोहोर बनेपछि त्यसलाई हटाउन थापाले जेसिवी लिएर मैदान प्रवेश गरेका हुन । कनकाई माविमा केहिदिन पहिले मात्रै नगरस्तरीय खेलाडी छनौट र त्यसपछि जिल्ला स्तरीय १३ औ राष्ट्रपति रनिङ शिल्ड प्रतियोगिता भएको थियो । थापाले जेसिवी लिएर मैदान प्रवेश गरेपछि आयोजक कनकाई खेलकुद प्रतिष्ठानका कार्यसमितिले समेत थापाको अभियानलाई साथ दिएको कनकाई खेलकुद प्रतिष्ठानकी सचिव मान्ता खरेलले बताउँनुभयो । कनकाई नगरभित्रका खेलकुद र अन्य सामाजिक गतिविधिमा साथ दिन पाउँदा आफुलाई गौरबको महसुस भएको सामाजिक अभियान्ता शेरबहादुर थापाले कनकाई अनलाईलाई बताउँनुभयो ।
