कनकाई अनलाईन
झापाको मेचिनगर नगरपालिका–११ स्थित हडिया खोलामा डुबेर एकजनाको मृत्यु भएको छ ।
बुधबार दिउँसो ३ बजे मेचिनगर–११ सृजना टोलका ४३ बर्षीय लालबहादुर श्रेष्ठ खोलामा डुबेर मृत्यु भएको जिल्ला प्रहरी कार्यालय झापाले जनाएको छ । खोलामा डुबेर मृत अवस्थाको श्रेष्ठको शव प्रहरीले निकालेको इलाका प्रहरी कार्यालय धुलाबारीले जनाएको छ । धुलावारीबाट प्रहरी निरीक्षकको टोली खटिगई आवश्यक कानूनी प्रकृया पश्चात लास पोष्टमार्टमको लागि प्रादेशीक अस्पताल भद्रपुर पठाईएको र घटना सम्बन्धमा थप अनुसन्धान भईरहेको ईलाका प्रहरी कार्यालय धुलाबारीले जनाएको छ ।
