कनकाई अनलाईन
झापाका प्रमुख जिल्ला अधिकारी छबिलाल रिजाललाई कनकाई नगरपालिकाले सम्मान तथा बिदाई गरेको छ । तनहु जिल्लाको प्रमुख जिल्ला अधिकारीका रुपमा झापाबाट सरुवा भएका उनलाई कनकाई नगरका बिभिन्न संघ÷संस्थाहरुले एकैसाथ सोमवार सम्मान तथा बिदाई गरेका हुन् ।
कनकाई नगर प्रमुख राजेन्द्रकुमार पोख्रेलको अध्यक्षतामा भएको सम्मान तथा बिदाई कार्यक्रममा उप–प्रमुख आशा शर्मा शिवाकोटीले स्वागत गरेकी थिइन् । कार्यक्रममा नगरका नौ वटै वडाका वडा अध्यक्ष, कार्यपालिका सदस्य, वडाका अन्य सदस्य, नगरका सम्पूर्ण कर्मचारीहरुले फेरि भेटौला भन्दै एकै साथ प्रजिअ रिजाललाई सम्मानका साथै मायाको चिनो दिएर बिदाई गरेका थिए ।
कार्यक्रममा विभिन्न राजनीतिक दलका प्रमुख तथा प्रतिनिधि, कनकाई उद्योग बाणिज्य संघ, कनकाई छठसेवा समाज, नेपाल रेडक्रस उप–शाखा सुरुङ्गा , रोटरी क्लब अफ सुरुङ्गा, लाईन्स क्लब अफ कनकाई सुरुङ्गा, सुरुङ्गा जेसीज, विभिन्न क्लबका प्रमुख तथा प्रतिनिधि, सघ सस्थाका प्रमुख तथा प्रतिनिधिहरुको उपस्थिती रहेकोे थियोे ।
कार्यक्रममा अधिकांश वक्ताहरूले प्रजिअ रिजाललाई अबको जिम्मेवारी पनि झापामा रहँदाकै जस्तो अविस्मरणीय एवम् सुखद रहोस् भन्दै शुभकामना दिएको कर्मचारी विजय पाठकले जानकारी दिए ।कार्यक्रमको सञ्चालन प्रशासन शाखाका प्रमुख विवेक भण्डारीले गरेका थिए ।
