कनकाई अनलाईन
पत्रकार सुरेन्द्र भण्डारीको घर हात्तीले भत्काएर क्षति गरेको छ ।
नेपाल पत्रकार महासंघ प्रदेश सदस्य तथा पूर्वाञ्चल दैनिकका सहसम्पादक भण्डारीको बाह्रदशी ३ प्रतिभा चोकस्थित मूल घर हात्तीले भत्काएको छ । राति १ बजेतिर १४ वटाको संख्यामा आएका हात्तीले आफ्नो टीनको छानो भएको पक्की घर भत्काएको पत्रकार भण्डारीले बताए ।
स्थानीयवासी र राजगढबाट प्रहरी आएपछि हात्तीलाई धपाइएको उनले बताए । मूल घर बाह्रदशीमा भएपनि उनी लक्ष्मीपुरमा बस्दै आएका छन् ।
