कनकाई अनलाईन
आत्रेय गोत्रीय बगाले थापाको कनकाई नगर भेलाले मनोरथ थापाको अध्यक्षतामा नयाँ कार्यसमिति गठन भएको छ ।
समितिको उपाध्यक्षमा दुर्गा थापा, सचिवमा डाक्टर गृशा रावल थापा, सहसचिव विनोद थापा र कोषाध्यक्षमा जीवन थापा रहनुभएको छ । यसैगरि सदस्यहरुमा प्रेम थापा, रुद्रबहादुर थापा, ज्ञानेन्द्र थापा, मनिका थापा, विष्णु थापा, कृष्ण थापा, राजन थापा, सोभा थापा, टेकबहादुर थापा रहनुभएको छ ।
कनकाई नगरपालिकास्थित हरिकुल नमुना उच्च माविको सभाहलमा भएको कार्यक्रममा दमक नगरपालिकाका प्रमुख तथा बगाले थापाका जिल्ला अध्यक्ष राम थापाको प्रमुख आतिथ्यता तथा बगाले थापाका प्रारम्भिक समिति अध्यक्ष साजन थापाको सभापतित्वमा भएको कार्यक्रममा उक्त समिति गठन गरिएको हो ।
नव गठित समितिलाई प्रमुख अतिथि दमक नगरप्रमुख राम थापा, कनकाई नगरपालिका ६ का वडाअध्यक्ष दिर्घबहादुर थापा, जिल्ला कोषाध्यक्ष पुर्णबहादुर थापा, प्राध्यापक रुद्र थापा लगायातले नवगठित समितिलाई बधाई शुभकामना दिनुभएको थियो ।
