कनकाई अनलाईन
झापा, मङ्सिर ८ गते । झापाको प्रतिनिधिसभा क्षेत्र नं। ३ मा राष्ट्रिय प्रजातन्त्र पार्टीका अध्यक्ष राजेन्द्र लिङ्देन विजयी हुनुभएको छ ।
अध्यक्ष लिङ्देन ४० हजार ६६२ मतका साथ विजयी हुनुभएको झापा क्षेत्र नं ३ का मुख्य निर्वाचन अधिकृत चन्द्रमणि ज्ञवालीले जानकारी दिनुभयो । उहाँका निकटतम् प्रतिस्पर्धी लोकतान्त्रिक–वाम गठबन्धनका तर्फबाट नपाली कांग्रेसका उम्मेदवार कृष्णप्रसाद सिटौलाले ३७ हजार ३८६ मत प्राप्त गर्नुभएको थियो ।
झापा क्षेत्र नं ३ मा अध्यक्ष लिङ्देन दोस्रोपटक विजयी हुनुभएको हो । विसं २०७४ को प्रतिनिधिसभा निर्वाचनमा पनि अध्यक्ष लिङ्देन र कांग्रेस नेता सिटौलाबीच नै प्रतिस्पर्धा भएको र लिङ्देन विजयी हुनुभएको थियो ।
झापा क्षेत्र नं ३ मा एक लाख ३१ हजार ४३२ मतदाता रहेकामा ६८ दशमलव २ प्रतिशत अर्थात् ८९ हजार ६३७ मत खसेको थियो । झापा क्षेत्र नं ३ प्रदेशसभा ९क० मा नेपाली कांग्रेसका भूमिप्रसाद राजवंशी र प्रदेशसभा ९ख० मा नेकपा ९एमाले०का छविलाल चुडाल प्रदेशसभा सदस्यमा निर्वाचित भइसक्नुभएको छ ।रासस
