कनकाई अनलाईन
झापा क्षेत्र नम्बर २ मा नेकपा एमालेका देवराज घिमिरे बिजयी हुनुभएको छ ।
बुधवार राती सम्पन्न अन्तिम मतगणनामा एमालेका प्रदेश नम्बर १ का इन्चार्ज समेत रहनुभएका घिमिरेले स्वतन्त्र उम्मेद्धार भद्रप्रसाद नेपाल स्वागतलाई २२५६ मतले पराजित गर्दै घिमिरे बिजयी हुनुभएको हो । घिमिरेले २८६९७ मत ल्याउदा उहाँका प्रतिद्धन्द्धी नेपालले २६४४१ मत ल्याउनुभयो । सक्ता गठबन्धनबाट उम्मेद्धारी दिनु भएका माओवादी केन्द्रका हरिकुमार रानामगरले भने १३९२४ मत मात्रै पाउनुभयो । सक्ता गठबन्धनका तर्फबाट भने यसअघि एमालेमै रहनुभएका अर्जुनधारा नगरपालिकाका पुर्व प्रमुख रानालाई नेपाली कांग्रेस, माओवादी र नेकपा एसका तर्फबाट उम्मेद्धार बनाएको थियो ।
झापा २ मा ५ स्वतन्त्र सहित १८ जना उम्मेदवार चुनावी प्रतिस्पर्धामा रहनुभएको थियो । झापा २ मा कुल १ लाख ३४ हजार ९१ मतदातामा ८७ हजार ७२३ मत खसेको थियो ।
झापा २ को प्रदेश १ मा एमालेकै एकराज कार्की र २ मा चिन्तन पाठक समेत बिजयी हुनुभएको छ ।
