कनकाई अनलाईन
दक्षिणी झापाको झापाको झापा गाउँपालिका ५ पन्थपाडामा बुधवार राती काशीलाल राजबंशीको घरमा आगलागि हुँदा सम्पुर्ण घर जलेर नष्ट भएको छ ।
बुधबार १८.१५ बजे पन्थापाडाका राजबंशीको घरमा आगलागी हुदा घर सबै जलेर नष्ट भएको र सो बाट ६० लाख बढीको क्षति भएको झापा गाउँपालिका ५ का वडाध्यक्ष कृष्णप्रसाद राजबंशीले जानकारी दिनुभयो । तल पक्का र माथी सखुवाको काठबाट बनेको ८ कोठे घर जलेर नष्ट भएको हो ।
आगलागीबाट घरभित्र रहेको नगद ८ लाख,सुन १२ तोला,चाँदी १२५ तोला लगायत लत्ताकपडा,टिभी,दराज,लोबेट सबै जलेर नष्ट भएको छ।मुल घर दक्षिण रहेको भान्सा घर र उत्तर रहेको ग्वाली भने बचाउन सफल भएको वडाध्य राजवंशीले बताउँनुभयो । आगलागिबाट पिडित राजबंशी परिवारले लगाएको एकसरो लुगा देखि बाहेक केही नबचेको स्थानीयको भनाइ छ ।
घर जलिसकेपछि विर्तामोडको दमकल आइपुगेको स्थानीयको गुनासो छ । विद्युत सर्ट सर्किटबाट घर आगलागी भएको हुनसक्ने अनुमान गरिएको छ ।
