कनकाई अनलाईन
झापाको कनकाई नगरपालिका ४ को निमार्णाधिन रङ्गशालामा आयोजित वार्डस्तरीय फुटबल प्रतियोगिताको उपाधि कनकाई ३ ले हात पारेको छ ।
आज भएको फाईनल खेलमा ट्राईब्रेकरमा कनकाई ४ लाई हराउदै कनकाई ३ ले उपाधि हात पारेको हो ।
खेल अवधिभर खेल १—१ गोलमा सकिएपछि पेलान्टी सुट आउटका आधारमा बिजयी टिम छनौट गर्नुपरेको थियो । जसमा ३ ले उपाधि ५—४ गोल अन्तरले बिजयी हुदै नगद २५ हजार रुपैँया प्राप्त गर्दा उपबिजयी बनेको ४ ले नगद १५ हजारमा चित्त बुझायो ।
खेलमा कनकाई ३ बाट मेक्स मुर्मु र ४ का मोहन क्षेत्रीले गोल गरे । क्षेत्री प्रतियोगिकै सर्वोकृष्ट खेलाडी बनेका थिए । यसैगरि हाई स्कोर बिजयी टिम कनकाई ३ का अरुण श्रेष्ठ बने भने म्यान अफ द म्याच बिजयी टिमका गोलकिपर सरोज शाह बने ।
बिजयी तथा उपबिजयी हुने टिमलाई पुर्व प्रदेश सांसद तथा कृषि मन्त्री हिराकुमार थापा, कनकाई ४ का वडाअध्यक्ष रोषन सुवेदी, कनकाई सामुदायिक वनका अध्यक्ष ख्याम ओली, आयोजक बुद्ध स्पोटिङ्ग क्लवका अध्यक्ष तुलाराम बिक लगायातले नगद र शिल्ड प्रदान गर्नुभयो । प्रतियोगिता कनकाई नगरपालिका ४ नम्बर वार्डको आर्थिक सहयोगमा बुद्ध स्पोटिङ्ग क्लवको आयोजनामा भएको हो ।
