कनकाई अनलाईन
झापाको मेचीनगर नगरपालिका वडा नम्बर ६ पुरानो पुलबाट प्रतिबन्धित लागुऔषध ब्राउन सुगर सहित कनकाई ४ इलुवावारीका दुई जनालाई प्रहरीले पक्राउ गरेको छ।पक्राउ पर्नेहरुमा कनकाई नगरपालिका ४ इलुवावारीका ३२ वर्षीय सनम श्रेष्ठ र २५ वर्षीय सन्दिप कुमाल रहेको प्रहरीले जनाएको छ।
शनीबार करिव १३।४५ बजेको समयमा इ।प्र।का।काकड्भिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलिले भारतबाट नेपाल तर्फ आउँदै गरेका उनीहरु माथी शंका लागी चेकजाँच गर्दा सन्दिप कुमालको साथबाट प्रतिबन्धित लागुऔषध खैरो हिरोईन जस्तो देखिने लिसाईलो पदार्थ ६ ग्राम फेला परेको र निजहरुको साथमा रहेको ३ थान मोबाइल समेत नियन्त्रणमा लिएको प्रहरीले बताएको छ। कनकाईमा लागुऔषधका कार्यक्रम पछिल्लो समयमा केहि मात्रामा गरिने गरेको पाइएपनि प्रभावकारी हुन सकेको छैन ।
विद्यालयमै यस प्रकारको सचेतना गर्नु आवश्यक भइसकेको स्थानीयको भनाई छ ।
