कनकाई अनलाईन
मुस्किलले ३ जना पत्रकार सक्रिय रहेको कनकाई नगरपालिकामा यस बर्षको उत्कृष्ट पत्रकारिता पुुरस्कार भन्दै ५ जनालाई नगरले नगद सहित सम्मान गरेको छ ।
अघिल्लो बर्ष समेत उत्कृष्ट ३ जना पत्रकारलाई सम्मान गरेको थियो । आज नगरपालिकामा आयोजित बजेट सार्वजनिकरणमा फेसबुुक पेजका संचालक मदन संग्रौलादेखि राष्ट्रिय समाचार समिति मेचीकी प्रमुुख अम्बिका भण्डारीलाई समेत सम्मान गरेको हो । सो सम्मानमा युटुभर दिपेश प्रसाई, पुर्वाञ्चल दैनिकका सुुरुङ्गा संवाददाता तीर्थराज खरेल र आमसंचार डटकमका सम्पादक विनोद पाण्डेसमेतलाई सम्मान गरिएको हो । सम्मानित सबैलाई नगद ५ हजार सहित सम्मान गरिएको हो । नगरका गतिविधिलाई जनतासामु पुर्याएको भन्दै ५ जनालाई नगरप्रमुुख राजेन्द्रकुुमार पोखरेल र उपप्रमुख आशा शर्मा शिवाकोटीले नगद सहित सम्मान गर्नुुभएको हो । यो सम्मानसगै नगरपालिकाको खराब समाचार वाहिर नजाओस भनेर पत्रकारलाई लोभ्याएको भन्ने एकाथरी मत रहेको छ भने नगरका प्राय सबै पत्रकारलाई सम्मान गरेर कनकाई नगरले पत्रकारिता पेशाप्रति न्याय गरेको भन्ने मत समेत बलियो रहेको छ ।
सम्मान कार्यक्रमपछि बोल्दै सम्मानित पत्रकार तीर्थराज खरेलले नगरले सम्मान गरेको भन्दैमा खराव गतिविधि लेख्न छाडने भने नहुुने बताउँनुुभयो । सम्मानित पत्रकार राससकी मेची अंञ्चल प्रमुुख अम्बिका भण्डारीले भने सम्मान गर्ने भनेर सबै सिनियार जुनियार सबैलाई एक्कै प्रकारको सम्मान दिएको भन्दै आपत्ति जनाउनुभएको थियो । भण्डारीले स्थानीय पत्रकारको हितका लागि नगरले निति बनाएरै सहयोग गर्न सक्ने समेत सुझाव दिनुुभयो ।
