कनकाई अनलाईन
शिवसताक्षी नगरपालिका ५ मा निशुल्क स्वास्थ्य शिविरको आयोजना भएको छ । स्वास्थ्य शिविरमा ८ सय बढिले स्वास्थ्य सेवा लिएका छन् ।
शिवसताक्षी नगरपालिका वडा नं. ५ को संयोजक वर्कफर नेपालको आयोजना र हेल्पिङ्ग हेन्ड फर रिलफ एन्ड डेबलमेन्टको आर्थिक सहयोगमा निःशुल्क स्वास्थ्य शिविर सञ्चालन गरिएकामा वार्ड र नगरका स्थानीयले विभिन्न स्वास्थ्य सेवा लिएका हुन ।
शिविरको उदघाटन नगरप्रमुख मेगाहाङ्ग थोप्रा (रोशन) ले गर्नुभयो । नगरप्रमुख थोप्राले नगरबासीलाई स्वास्थ्य सेवा पहुँच हुने गरी नगरको ६ नम्बर वार्डमै नगर अस्पताल निर्माण भइरहेको बताउँनुभयो ।
शिविरमा दन्तरोग, आँखाको उपचार महिलाहरुको पाठेघरको जाँच र हाडजोर्नी तथा नशाको उपचार गरिएको वडा नं. ५ का वडाध्यक्ष सिकिन पासवानले जानकारी दिनुभयो ।
स्वास्थ्य शिविरमा निशुल्क औषधि समेत वितरण गरिएको थियो । शिविरमा फिजिसियन, स्त्रीरोग विशेषज्ञ, नेत्ररोग विशेषज्ञ, र दन्त रोग विशेषज्ञले सेवा प्रदान गर्नुभएको थियो ।
