कनकाई अनलाईन
जिल्ला समन्वय समिति झापाको समितिमा नेकपा एमालेको एकल उम्मेद्धारी परेको छ ।
आज ९ सदस्यीय जिल्ला समन्वय समितिको प्रमुखमा विश्व वराल, उपप्रमुखमा शान्ता रोक्का र सदस्यहरुमा देवका वस्याल, तुलसा काफ्ले वराल, जुनु महरा, सन्तोस सोरेन, जलाल अलि, कपिल काफ्ले र रिता नेपालीको उम्मेद्धारी परेको जिल्ला निर्वाचन कार्यालय झापाका प्रमुख तुलसी नेपालले जानकारी दिनुभयो ।
९ सदस्यीय समन्वय समितिमा एमालेले एकल उम्मेद्धारी दर्ता गराएको हो । मंगलवार मनोनयन दर्ता र बुधवार दावी विरोधको कार्यक्रम रहेको निर्वाचन कार्यालयका प्रमुख नेपालले बताउँनुभयो । दावी विरोध नभए सबैजना निर्विरोध निर्वाचित हुने समेत नेपालले जानकारी दिनुभयो । झापामा १५ स्थानीय तहमा एमालेको एकल बहुमत जुटेको छ ।
