कनकाई अनलाईन
झापाको झापा गाउँपालिका ३ मा ट्याक्टरको ठक्करबाट गम्भीर घाइते बनेका स्थानीय २० वर्षीय अख्तर अलिको उपचारका क्रममा मृत्यु भएको छ ।
बुधवार दिउसो घाईते बनेका अलीको उपचारका क्रममा बिर्तामोड बिएण्डसी अस्पतालमा बुधवार राती १०.३० बजे मृत्यु भएको प्रहरीले जनाएको छ ।
झापा गाउँपालिका ३ कत्लामारीमा बुधबार दिउसो साढे १ बजे उत्तरबाट दक्षिण तर्फ गइरहेको मे ११ प २८२२ नम्बरको मोटरसाइकललाई सोही दिशाबाट गइरहेको मे १ त ४४१८ नम्बरको ट्याक्टरले पछाडीबाट ठक्कर दिंदा मोटरसाइकल चालक अलि गम्भीर घाइते भएका थिए ।
यता ट्याक्टर चालक ठक्कर पछि फरार रहेको र खोजी कार्य जारी रहेको प्रहरीले जनाएको छ ।
