आइपी भट्टराई
कनकाई ८ को वार्डअध्यक्षमा नेपाली कांग्रेसका लीलाबहादुर कटुवाल बिजयी हुनुभएको छ । यो वार्ड पहिले २०७४ सालको निर्वाचनमा एमालेले पुरै सेटै जितेको थियो ।
लीलाबहादुर कटुवालले एमालेका अर्का प्रतिद्धन्द्धी प्रेमबहादुर कटुवाललाई ३२ मतको झिनो अन्तरले हराएका हुन । लीलाबहादुर कटुवालले ९१८ मत ल्याउदा प्रेमबहादुर कटुवालले ८८६ मत ल्याउनुभयो । यसैगरि महिला सदस्यतर्फ समेत कांग्रेसकै महिला सदस्य रिता उप्रेती समेत १ हजार २३ मत प्राप्त गर्दै बिजयी हुनुभएको छ । अन्य दलित महिला सदस्यमा एमालेकी कविता विक ९ सय २४, खुल्ला सदस्यमा एमालेकै बलभद्र ढुङगेल ९ सय ३५ र भक्तबहादुर बिष्टले ९सय ४ मत ल्याउदै बिजयी हुनुभएको छ ।
कनकाई ८ मा अन्य वार्डअध्यक्षका उम्मेद्धारहरुमा हलोका छविलाल खतिवडाले २४० मत र माओवादी केन्द्रका गणेश मगरले ८० मत ल्याउनुभएको छ । स्वतन्त्र उम्मेद्धार उठेका रोषन राईले समेत वार्डअध्यक्षमा ५१ मत ल्याउनुभएको छ ।
