भद्रपुर–७ लाई नमूना बनाउने पुष्पलालको संकल्प


सन्तोष शर्मा
भद्रपुर, २७ बैशाख । झापा भद्रपुर नगरपालिका–७ का पुष्पलला राजवंशी एक सामाजिक व्यक्तित्व हुन् । उनी अहिले स्थानीय तह निर्वाचनमा वडाध्यक्ष पदमा चुनावी दौडमा छन् । वडाध्यक्षमा उम्मेदवारी दिनुमा उनको उद्देश्य अरु केही होइन, सामाजसेवाको उत्कट चाहना हो । भन्छन्, ‘म जनप्रतिनिधि भए पनि, नभए पनि सामाजिक सेवामै समर्पित हुने हो ।’

बुबा इन्द्रलाल र आमा हिरामणि राजवंशीको कोखबाट जन्मिएका पुष्पलाल २०५८ सालदेखि राजनीतिमा सक्रिय छन् । ‘राजनीति पेशा होइन, सेवा हो’, उनले भने, ‘राजनीतिलाई पेशा बनाइँदा जनताले व्यवस्था परिवर्तन भए पनि अवस्था परिवर्तन भएको अनुभूति गर्न पाएका छैनन् ।’

पुष्पलालले धेरै सामाजिक काम गरेका छन् । उनले भद्रपुर–७ मा देउनिया खोला आर्यघाट निर्माणमा महत्वपूर्ण निर्वाह गरेका छन् । ‘मृत्युको शोकपूर्ण अवस्थामा पनि व्यवस्थित आर्यघाट नहुँदा पनि पीडामाथि पीडा थपिने अवस्था थियो’, आर्यघाट निर्माण समितिका संस्थापक उपाध्यक्ष उनी भन्छन्, ‘अहिले त्यो अवस्थाको अन्त्य भएको छ, व्यवस्थित आर्यघाट बनाएका छौँ ।’

उनी भद्रपुर माविका व्यवस्थापन समिति अध्यक्ष हुन् भने वीरेन्द्र माविको व्यवस्थापन समितिका सदस्य । यस्तै, सहिद दीपक पोखरेल सामुदायिक भवनको संस्थापक अध्यक्ष हुन् । राजवंशी विकास समितिको जिल्ला सदस्य, ग्रमथान सेवा समितिका अध्यक्ष उनी संस्कार र सभ्यताको जर्गेनामा समेत उत्तिकै अग्रसर छन् ।

बाघडोग्रा लिम्बूडाँडा पुल निर्माण, लेखनाथ चोक–हल्दिबारी सडक निर्माणमा उनको भूमिका महत्वपूर्ण छ । चैतुबारी, केन्द्रमोड र काफ्ले टोलमा सुकुम्बासी बस्ती उनकै पहलमा स्थापना भएको हो । ‘गाँस, बाँस, कपासको अधिकार संविधानले नै दिएको छ’, उनले भने, ‘भूमिहीन सुम्कुम्बासीको पक्षमा म सधैं लागेको छु, लागिरहनेछु ।’

‘किसानलाई प्राथमिकता दिएर कृषिमा आधुनिकीकरण, कृषिमा अनुदान दिएर युवालाई आकर्षित गर्ने योजना छ’, वडाध्यक्षमा उम्मेदवारी दिनुको तात्पर्य खुलाउँदै उनले भने, ‘कक्षा १२ सम्म निःशुल्क शिक्षाको व्यवस्था, महिलालाई उच्च शिक्षाका लागि प्रोत्सान कार्यक्रम, गरीब तथा विपन्न जनतामा स्वास्थ्यको पहुँच बृद्धि गर्न छुट र सहुलियत दिने हाम्रो योजना छ ।’

वडाभरिका सबै भित्रि सडकलाई आवश्यकता अनुसार ग्रावेल र कालोपत्रे गर्ने, आदिवासी रंगशाला बनाउने, स्थानीय सामुदायिक वनमा सबै वडाबासीको पहुँच स्थापित गर्ने, गाउँ ब्लक जग्गालाई धनीपूर्जा दिने, रंगेडाँडामा मिनी पशुपति क्षेत्र बनाउने, देउनिया खोलामा पानी सम्बन्धी खेलकुद पर्यटन प्रवद्र्धन गर्ने, काली मन्दिर निर्माण, ज्येष्ठ नागरिक, एकल महिला, अपाङ्ग, असहाय बालबालिका संरक्षण केन्द्र स्थापना गर्ने, अक्षयकोष स्थापना गरी जेहेन्दार विद्यार्थीलाई छात्रवृत्ति दिने, वडा वडामा खानेपानी र बिजुली पु¥याउने, देउनिया खोलामा तटबन्ध गर्ने, नवउद्यमीलाई प्रवद्र्धन गर्ने लगायतका कैयौं धेरै योजना रहेको उनले सुनाए ।

‘हाम्रो लक्ष्य नै नमूना वडा बनाउने हो’, उनले भने, ‘त्यसका लागि हामीलाई जनताले मत दिएर अनुमोदन गर्न जरुरी छ, एक पटक मत दिएर विश्वास गर्नुहोस्, तपाईंहरुको मत खेर जान दिने छैनौं ।’

भद्रपुर–७ मा बाम–लोकतान्त्रिक गठबन्धनकातर्फबाट वडाध्यक्षमा पुष्पलाल राजवंशी, महिला वडा सदस्यमा सविता मैनाली घिमिरे, दलित महिला सदस्यमा बुधमाया बिक, वडा सदस्यमा सन्तोष घिमिरे र महेन्द्र पोखरेल छन् ।


सम्बन्धित शीर्षकहरु

कनकाई अनलाईनदमक, जेठ ६ गते । नेकपा ९एमाले०का अध्यक्ष एवं पूर्व प्रधानमन्त्री केपी शर्मा ओलीको गृह नगर दमक नगरपालिकामा राप्रपासहितको…

कनकाई अनलाईनझापाको मुख्य व्यापारिक नगरी मानिने बिर्तामोड नगरपालिकाको प्रमुख र उपप्रमुखमै नेकपा एमालेका उम्मेद्वार विजयी भएका छन् । नगर प्रमुखमा…

कनकाई अनलाईनझापाको कनकाई नगरपालिकाको प्रमुखमा नेकपा एमालेका राजेन्द्रकुमार पोखरेल पुन नगरप्रमुख पदमा निर्वाचित हुनुभएको छ । पोखरेल दोस्रोपटक नगरप्रमुखका रुपमा…

प्रतिकृयाहरू