कनकाई अनलाईन
नेकपा माओवादी केन्द्र कनकाईले पार्टीको तर्फबाट कनकाई उद्योग वाणिज्य संघ र सुरुङ्गा रेडक्रसमा बिजयी हुने आफ्ना तीन प्रतिनिधिलाई सम्मान गरेको छ ।
पार्टीका तर्फबाट उम्मेद्धारी दिई सर्वसम्मत हुनुहुने कनकाई उद्योग वाणिज्य संघका उपाध्यक्ष डिल्ली पाठक र सदस्य उत्सव वास्तोला यसैगरि सुरुङ्गा रेडक्रसमा उपसचिवमा सर्वसम्मत हुनुहुने यज्ञराज कार्कीलाई पार्टीले विशेष सम्मान गरेको हो । बिजयी सबैजना नेकपा माओवादी केन्द्रका नगर सदस्य समेत हुन ।
यस वर्ष रेडक्रस र उद्योग वाणिज्य संघमा यस क्षेत्रका सक्रिय राजनैतिक दल एमाले, कांग्रेस, माओवादी, राप्रपा, संघिय समाजवादी, साझा विवेकशील समेतको सर्वसम्र्मत नेतृत्व चयन हुदा निर्वाचन नभएको हो । पार्टीकी केन्द्रिय निर्वाचन आयोगकी सदस्य तथा संविधानसभा सदस्य सुशिला कन्दङ्वा बर्षा, पार्टीका प्रदेश कमिटी उपाध्यक्ष मणिकुमार साम्पाङ बिजय, पार्टीका प्रदेश सदस्य गोपाल प्रसाई, पार्टीका नगर अध्यक्ष यामनाथ सेडाई लगायातले नवनिर्वाचित सबैलाई सम्मान गर्नुभएको हो ।
