कनकाई अनलाईन
शिवसताक्षी । झापाको शिवसताक्षीमा जारी दोस्रो कर्णवहादुर स्मृति अन्तराष्ट्रिय कपमा अन्तर्गत सोमबारको खेलमा दमक–लखनपुर भेट्रान विजयी भएको छ ।
दमक–लखनपुर भेट्रान क्लबले चाराली भेट्रान क्लबलाई ३–० गोल अन्तरले हराउँदै प्रतियोगिताको सेमिफाइनलमा प्रवेश गरेको हो ।
विजेता टिमकालागि विकास राईले पहिलो हाफ ६ मिनेटमा र २० मिनेटमा गोल गरेका गरेका थिए । दोस्रो हाफको ४७ औं मिनेटमा इन्द्रकुमार राईले १ गोल गरी ३ – ० को अन्तर बनाए ।
उता चारालीले पाएको एक मात्र पेनाल्टी सुट आकासिएपछि चाराली रित्तो हात फर्कनु पर्यो । दमक लखनपुरका अगाडी चाराली निरिह बनेको थियो ।
खेलको मेन अफ दि म्याच विजेता टिमका विकास राई घोषित भए । उनले नगद १ हजार ५ सय प्राप्त गरे । भोलीको खेल भरौला भेट्रान काला बन्जार सुनसरी र आयोजक दुधे भेट्रान बीच हुने छ ।
प्रतियोगिताको विजेताले ७५ हजारसहित ट्रफी, मेडल र प्रमाण् पत्र पाउने छन् । उपविजेताले ४५ हजार सहित मेडल, ट्रफी, र प्रमाण पत्र प्राप्त गर्ने आयोजकले जनाएको छ ।
