कनकाई अनलाईन
कनकाई छठ पुजा सेवा समाजद्धारा वृहत होली मिलन कार्यक्रमको आयोजना गरि होलि मिलन कार्यक्रमको आयोजना गर्दै होलि पर्व मनाइएको छ ।
सुरुङ्गास्थित जेसिज भवनमा आयोजित होलि मिलन कार्यक्रममा बोल्दै संघिय सांसद एलपीसाँबा लिम्बु,कनकाई नगरपालिकाका प्रमुख राजेन्द्रकुमार पोखरेल लगायातले सास्कृतिको संरक्षणमा होलि लगायातको पर्वहरुले महत्वपुर्ण भुमिका खेलेको भन्दै होलिमिलन कार्यक्रमको निरन्तताका लागि र छठ पुजा समाजको सामाजिक क्रियाकलापमा सक्दो सहयोगको प्रतिवद्धता जनाउनुभयो । कार्यक्रम संयोजक किरण कारकले स्वागत गरेको कार्यक्रमको औचित्यमाथि खगेन्द्र महत्तोले प्रकाश पार्नुभएको थियो । सोही कार्यक्रमका विच छठ पुजा समाजको जग्गादाता इश्वर अग्रवाललाई समेत सम्मान गरिएको थियो ।
छठ पुजाका महासचिव रविन्द्र गुप्ताको संचालनमा सम्पन्न भएको कार्यक्रममा एमालेका अध्यक्ष खडग प्रसाई , कनकाई ३ नम्बरका वडाअध्यक्ष रुद्रप्रसाद चिमरिया, शिक्षासेवी चम्पा खनाल लगायातले बोल्नुभएको थियो । सोहि कार्यक्रमका विविध सास्कृतिक कार्यक्रम र होलीको समेत आयोजना गरिएको थियो । हरेक वर्ष कनकाई छठ पुजा सेवा समाजले होलि मिलनको आयोजना गर्दै आएको छ ।
