कनकाई अनलाईन
प्रहरीले २३ ग्राम ब्राउन सुगर सहित एकजनालाई नियन्त्रणमा लिएको छ । मंगलवार दिउसो साढे १ बजे झापा मेचीनगर नगरपालिका ६ मेचीपुलबाट उक्त परिमाणको ब्राउन सुगर सहित भारतबाट नेपालतर्फ आउदै गरेका धनकुटा पाख्रिवास नगरपालिका ३ का ३३ बर्षिय विनोद घिमिरेलाई पक्राउ गरेको हो ।
पैदल यात्री घिमिरेलाई लागु औषध ब्युरो काँकडभिट्टा र इलाका प्रहरी कार्यालय काँकडभिट्टाको प्रहरी टोलीले पक्राउ गरेको जिल्ला प्रहरी कार्यालय झापाका प्रहरी प्रवक्ता बसन्तकुमार पाठकले जानकारी दिनुभयो ।
हाल उनलाई आवश्यक कार्वाहीका लागि जिल्ला अदातबाट म्याद थप गरि इलाका प्रहरी कार्यालय काँकडभिट्टामा राखिएको जिल्ला प्रहरी कार्यालय झापाले जनाएको छ ।
