कनकाई अनलाईन
समाजसेवी श्याम सुन्दर ओलीले कनकाई नगरपालिकाको कनकाई माविको खेल मैदानमा नियमित अभ्यास गरिरहेको १६ बर्ष मुनिका खेलाडीहरुका लागि ३ थान कतार वल्डकपमा खेलाईने म्याच वल प्रदान गर्नुभएको छ ।
ओली समेत कनकाईका पुर्व खेलाडी हुन । उनी समाजसेवा र राजनितिकमा रहेका छन । ओलीले कनकाईका भेट्रान खेलाडीको उपस्थितिमा प्रशिक्षक आकाश कुँबरलाई उक्त म्याच वल प्रदान गर्नुभयो । ओलीले आफु राजनितिसगै खेल क्षेत्रमा लागिरहने प्रतिवद्धता समेत जनाउनुभयो ।
कनकाईको पुरुष फुटवल पहिलेको तुलनामा पछि परिरहेको भन्दै सबै नगरवाशी र तीनै तहको सरकारसगको समन्वयमा लोकप्रिय फुटवल खेललाई अगाडि वढाइने समेत ओलीले प्रतिवद्धता जनाउनुभयो सकार्यक्रममा प्रशिक्षक आकाश कुँवरले सानै उमेरमा वल्डकप वल खेल्न पाउदा सपना पनि वल्डकपकै देखेको बताउँनुभयो । कनकाई माविको खेल मैदानमा कुनै कसैको सहयोग विनानै कनकाईका १६ बर्ष मुनिका वालकहरु कोरोना कहरदेखिनै अभ्यास खेल खेल्दै आइरहेका छन । उनीहरुलाई सहयोग आउने क्रम समेत जारी छ । यस अघि स्थानीय युवा रमेश मैनालीले समेत आफ्नो छोराको जन्मदिनको अवशर पारेर आवश्यक खेल सामाग्री प्रदान गर्नुभएको थियो ।
